லங்காசிறி FM
முன்னாள் நிர்வாகிகள், ஒப்பந்ததாரர்கள் மீது வழக்குத் தொடர்ந்த ஒன்ராறியோ மருத்துவமனை
மோசடித் திட்டம் மூலம் மருத்துவமனையின் மில்லியன் கணக்கான டொலர்களை மோசடி செய்ததாக முன்னாள் நிர்வாகிகள் மற்றும் ஒப்பந்ததாரர்கள் மீது LHSC நிர்வாகம் வழக்குத் தொடர்ந்துள்ளது.
50 மில்லியன் டொலர் இழப்பீடு
நீதிமன்றத்தில் தாக்கல் செய்துள்ள அறிக்கையில், முன்னாள் நிர்வாகிகள் தீபேஷ் படேல், டெரெக் லால் மற்றும் நீல் மோடி மற்றும் ஒப்பந்ததாரர் பரேஷ் சோனி ஆகியோரிடம் இருந்து LHSC நிர்வாகம் முதலில் 50 மில்லியன் டொலர் இழப்பீடு கோருகிறது, மேலும் கூடுதலாக 1.5 மில்லியன் டொலர் தண்டனை இழப்பீடும் கோருகிறது.
மேலும், கொள்முதல் செயல்முறைகளை கையாளவும், மோசடி ஆவணங்களை சமர்ப்பிக்கவும், விலைப்பட்டியல்களை உயர்த்தவும், குறிப்பிட்ட சில நிறுவனங்களுக்கு ஒப்பந்தங்களை முறையற்ற முறையில் வழங்கவும் இந்த குழு சதி செய்ததாக மருத்துவமனை குற்றம் சாட்டுகிறது.
அத்துடன் இது சிவில் மோசடி, நம்பிக்கைக்குரிய கடமையை மீறுதல் மற்றும் அநியாயமாக சம்பாதித்தல் என LHSC நம்புகிறது. 2013 மற்றும் 2024 க்கு இடையில் மூத்த நிர்வாகியாக பணியாற்றிய படேல், இந்த மோசடியில் மைய நபராக இருந்ததாகக் குற்றம் சாட்டப்படுகிறார்.
மேலும், சோனியுடன் தொடர்புடைய நிறுவனங்களுக்கு மில்லியன் கணக்கான டொலர் ஒப்பந்தங்களைப் பெற படேல் உதவினார். படேல் ஆகஸ்ட் 2024 இல் பணிநீக்கம் செய்யப்பட்டார்.
2015 மற்றும் 2024 க்கு இடையில், சோனிக்கு தொடர்புடையதாக LHSC கூறும் BH ஒப்பந்ததாரர்கள், பல்கலைக்கழக மருத்துவமனையில் ஜன்னல் மாற்று திட்டத்திற்கான 21 மில்லியனுக்கும் அதிகமான தொகை உட்பட கிட்டத்தட்ட 30 மில்லியன் டொலர் கொடுப்பனவுகளைப் பெற்றனர்.
GBI மற்றும் BH ஒப்பந்ததாரர்கள்
மேலும், சோனியுடன் தொடர்புடைய GBI கட்டுமான நிறுவனம், மோசடியான சேவைகளுக்காக LHSCக்கு $330,000 க்கும் அதிகமான விலைப்பட்டியல் வழங்கியதாகக் கூறப்படுகிறது. 2013 மற்றும் 2024 க்கு இடையில், GBI நிறுவனம் மருத்துவமனையிலிருந்து $11 மில்லியனுக்கும் அதிகமாகப் பெற்றதாக LHCS குற்றம் சாட்டுகிறது.
படேல் குறைந்தது 22 சொத்துக்களை கையகப்படுத்தியதாகவோ அல்லது கட்டுப்படுத்துவதாகவோ கூறப்படுகிறது. இதில் BH நிறுவனம் ஒப்பந்தங்களைப் பெற்றதன் பின்னர் 17 சொத்துக்களை வாங்கியுள்ளார்.
சோனி தொடர்பில் 43 சொத்துக்கள் அடையாஅம் காணப்பட்டுள்ளதாகவும், இதில் பெரும்பாலானவை GBI நிறுவனம் ஒப்பந்தங்களைப் பெற்றதன் பின்னர் வாங்கியதாக உறுதி செய்யப்பட்டுள்ளது.
GBI மற்றும் BH ஒப்பந்ததாரர்களுடனான தனது ஒப்பந்தங்களை முறையே செப்டம்பர் 2024 மற்றும் ஜூன் 2025 இல் LHSC முடித்துக்கொண்டது.
கூறப்படும் சேதங்கள் குறித்த முழு விவரங்கள் விசாரணைக்கு முன்னர் வழங்கப்படும் என்று அந்த அறிக்கையில் கூறப்படுகிறது, ஆனால் தற்போதைய இழப்புகள் தோராயமாக 50 மில்லியன் டொலர் என மதிப்பிடப்பட்டுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 11ம் வட்டாரம், புங்குடுதீவு 10ம் வட்டாரம், Montreal, Canada
25 Oct, 2020
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024