லங்காசிறி FM
மேற்கு லண்டன் பகுதியில் பரபரப்பு: புகலிடக் கோரிக்கையாளர்கள் விடுதியில் முகமூடி நபர்கள் போராட்டம்!
Thiru
in ஐக்கிய இராச்சியம்
புகலிடக் கோரிக்கையாளர்கள் தங்கும் விடுதிகள் தொடர்பாக மேற்கு லண்டன் ஹோட்டல்களில் போராட்டம் வெடித்து இருப்பது பரபரப்பை ஏற்படுத்தியுள்ளது.
மேற்கு லண்டனில் பரபரப்பு
பிரித்தானியா முழுவதும், குறிப்பாக மேற்கு லண்டன் பகுதியில் புகலிடக் கோரிக்கையாளர்கள் தங்கும் விடுதிகள் காரணமாக போராட்டங்கள் வெடித்துள்ளன.
இந்த போராட்டங்கள் விளைவாக பலர் பொலிஸாரால் கைது செய்யப்பட்டுள்ளனர்.
வெஸ்ட் டிரேட்டன் பகுதியில் நடந்த போராட்டத்தின் போது 5 பேர் வரை கைது செய்யப்பட்டுள்ளனர்.
இந்த அமைதியின்மை சூழ்நிலை, புகலிடக் கோரிக்கையாளர்களை எப்பிங்கில் உள்ள பெல் ஹோட்டலில் தங்க வைப்பதை தடுக்கும் தடை சட்டத்தை பிரித்தானியா அரசு வெற்றிகரமாக ரத்து செய்ததை தொடர்ந்து உருவாகியுள்ளது.
சமீபத்திய தீர்ப்புக்கு பிறகும், 13 உள்ளாட்சி அமைப்புகள் தங்கள் வரம்பிற்கு உட்பட பகுதியில் புகலிடக்கோரிக்கையாளர்கள் ஹோட்டல்களை பயன்படுத்த கூடாது என சட்ட மேல் நடவடிக்கை தொடர்பாக விவாதித்து வருவதாக “தி டைம்ஸ் நாளிதழ்” அறிக்கைப்படி தெரியவந்துள்ளது.
எப்பிங் ஹோட்டல் போராட்டத்தின் போது 2 நபர்கள் மீது குற்றம் சாட்டப்பட்டு இருப்பது குறிப்பிடத்தக்கது.
Five men have been arrested after masked protesters tried to storm the Crowne Plaza hotel in West Drayton, which houses asylum seekers.
— BPI News (@BPINewsOrg) August 30, 2025
Two officers were injured as groups also moved towards nearby Novotel and Holiday Inn sites. pic.twitter.com/vYupIVGPCD
ஆர்பாட்டக்காரர்களுடன் மர்ம முகமூடி நபர்கள்
சனிக்கிழமை கரவுன் பிளாசா, நோவோடெல் மற்றும் ஹாலிடே இன் உட்பட 3 புகலிட கோரிக்கையாளர்கள் ஹோட்டல்கள் முன்பு நடந்த ஆர்ப்பாட்டத்தில் போராட்டக்காரர்களுடன் இணைந்து சில முகமூடி நபர்களும் கலந்து கொண்டுள்ளனர்.
இவர்களில் யாரேனும் பொலிஸாரால் கைது செய்யப்பட்டுள்ளனரா என இன்னும் தெரியவில்லை.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கரம்பொன் கிழக்கு, பண்டத்தரிப்பு, கொழும்பு சொய்சாபுரம், London, United Kingdom, Borehamwood, United Kingdom
17 Aug, 2025