உலகின் சிறந்த நகரங்களின் தரவரிசை 2025: முதலிடம் பிடித்த லண்டன்!

London United Kingdom

By Thiru Nov 22, 2024 06:48 PM GMT

Thiru

in ஐக்கிய இராச்சியம்

Report

உலகின் மிகச்சிறந்த நகரங்களின் தரவரிசையில் லண்டன் தொடர்ந்து 10வது ஆண்டாக முதலிடம் பிடித்துள்ளது.

உலகின் சிறந்த நகரங்கள் 2025 பட்டியலை ரெசோனான்ஸ் கன்சல்டென்சி(Resonance Consultancy) மற்றும் இப்சோஸ்(Ipsos) இணைந்து வெளியிட்டன.

முதலிடத்தை 10வது ஆண்டாக லண்டன் பிடித்த நிலையில், நியூயார்க் மற்றும் பாரிஸ் ஆகிய நகரங்கள் முறையே இரண்டாவது மற்றும் மூன்றாவது இடத்தைப் பிடித்துள்ளன.

இந்த கருத்துக் கணிப்பானது, 31 நாடுகளில் 22,000 பேரிடம் நடத்தப்பட்டுள்ளது.

London tops in World Credit: iStock

இந்த கருத்துக்கணிப்புகளில் , பெரிய நகரங்களில் வாழ்வதற்கான உலகளாவிய ஆர்வம் வெளிப்படுத்தப்பட்டுள்ளது.

உலகின் சிறந்த நகரங்களின் இந்த பட்டியல், சுற்றுலா தளங்களை மட்டும் பார்க்காமல், 3 முக்கிய அம்சங்களை கருத்தில் கொள்கிறது.

அவற்றில் இயற்கை சூழல், கட்டமைப்பு வசதிகள் அத்துடன் கலாச்சாரம், உணவு மற்றும் இரவு வாழ்க்கை ஆகிய கணக்கில் கொள்ளப்பட்டன.

மேலும் நகரத்தின் மனித மூலதனம் மற்றும் அதன் வளர்ச்சிக்கு கிடைக்கும் ஆதரவு ஆகியவையும் கருத்தில் கொள்ளப்பட்டதாக தெரிவிக்கப்பட்டுள்ளது.

அந்த வகையில் முதலிடம் பிடித்த லண்டன் நகரம் உண்மையான சிறந்த நகரமாக இருக்க வேண்டிய அளவுகோலை தொடர்ந்து நிர்ணயித்து வருகிறது என்று லண்டன் & பார்ட்னர்ஸ் நிறுவனத்தின் CEO லாரா சிட்ரான் தெரிவித்துள்ளார்.

London tops in World Credit: iStock