லண்டனில் தனியாக டாக்சியில் பயணித்த பெண்ணை சீரழித்த ஓட்டுனர்! பொலிஸ் வலைவீச்சு

Crime Police London Women CrimeNews

By Ragavan Apr 12, 2022 01:30 PM GMT

Ragavan

in ஐக்கிய இராச்சியம்

Report

லண்டனில் டாக்சி ஒன்றில் தனியாக பயணித்த பெண்ணை ஓட்டுநர் துஷ்பிரயோகம் செய்த சம்பவம் பரபரப்பை ஏற்படுத்தியுள்ளது.

ஏப்ரல் 7, வியாழன் அன்று அதிகாலை 2.15 மணியளவில் இஸ்லிங்டனில் உள்ள மேல் தெருவில் பாதிக்கப்பட்ட அப்பெண் வெள்ளை நிற டொயோட்டா ப்ரியஸில் (Toyota Prius) ஏறினார். அந்த காரின் ஓட்டுநர் அப்பெண்ணை Wormwood Scrubs-க்கு அழைத்துச் சென்று, அங்கு அதே காரில் வைத்து அப்பெண்ணை பாலியல் துஷ்பிரயோகம் செய்துள்ளார்.

பின்னர் அப்பெண்ணை அங்கேயே இறக்கிவிட்டு, அங்கிருந்து அவர் தனது காருடன் தப்பிச் சென்றதாக கூறப்படுகிறது.

பாதிக்கப்பட்ட பேணா பொலிஸில் புகார் அளித்ததைத் தொடர்ந்து, இந்தக் குற்றம் தொடர்பாக அந்த டாக்சி ஓட்டுநராக 36 வயதான சலாட் அகமது முகமது (Salad Ahmed Mohamed) என்பவரை காவல்துறையினர் தேடி வருகின்றனர்.

லண்டனில் தனியாக டாக்சியில் பயணித்த பெண்ணை சீரழித்த ஓட்டுனர்! பொலிஸ் வலைவீச்சு | London Woman Raped Islington Toyota Police

சம்பவம் நடந்தபோது முகமது தனியார் வாடகை ஓட்டுநராக பணிபுரிந்தாரா என்பது குறித்து அதிகாரிகள் விசாரணை நடத்தி வருகின்றனர்.

முகமது கருப்பு, மெலிதான உடலமைப்பு மற்றும் 5 அடி 10 அங்குல உயரம் கொண்டவர் என விவரிக்கப்படுகிறார். முகமது இஸ்லிங்டன், ஃபின்ஸ்பரி பார்க் மற்றும் தெற்கு டோட்டன்ஹாம் பகுதிகளுக்கு அடிக்கடி செல்வதாக அறியப்படுகிறது. அவரது புகைப்படத்தையும் பொலிஸார் வெளியிட்டுள்ளனர்.

முகமதுவை பார்க்கும் எவரும் அவரை அணுகாமல், உடனடியாக 999-க்கு அழைக்கவும். விசாரணைக்கு உதவக்கூடிய தகவல்கள் ஏதேனும் இருந்தால், 101 என்ற எண்ணில் பொலிஸை அழைக்கவும் அல்லது Twitter @MetCC மூலம் தொடர்பு கொள்ளவும். அநாமதேயமாக தகவலை வழங்க 0800 555 111 என்ற எண்ணில் Crimestoppers-ஐ தொடர்பு கொள்ளவும் அல்லது Crimestoppers-uk.org-ல் ஆன்லைனில் தொடர்பு கொள்ளவும் என பொலிஸாரால் அறிவிக்கப்பட்டுள்ளது.

மேலும் ஐக்கிய இராச்சியம் செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்