லொட்டரியில் பல மில்லியன் டொலர் பரிசாக வென்றவர் சடலமாக மீட்பு
அமெரிக்காவின் மிச்சிகன் மாகாணத்தில் லொட்டரியில் மில்லியன் டொலர் பரிசாக வென்றவர் நதியில் சடலமாக மிதந்துள்ளார்.
மிச்சிகன் மாகாணத்தை சேர்ந்த 69 வயதான Leroy N. Fick என்பவரே, Tittabawassee நதியில் சடலமாக மிதந்துள்ளார்.
2010ல் பல மில்லியன்கள் லொட்டரியில் பரிசாக வென்ற நிலையில், கடந்த சில ஆண்டுகளாக அவர் மிக கடுமையான அவஸ்தையில் இருந்து வந்ததாக கூறப்படுகிறது.
அவரது மரணத்தில் மர்மம் இருப்பதாக தெரியவில்லை எனவும், ஆனால் முழுமையான விசாரணைக்கு பின்னரே உண்மை நிலை தெரியவரும் என பொலிசார் தெரிவித்துள்ளனர்.
Auborn பகுதியை சேர்ந்த Leroy N. Fick லொட்டரியில் வென்ற 2 மில்லியன் டொலர் தொகையை வெறும் இரண்டு ஆண்டுகளில் செலவிட்டதாகவே கூறப்படுகிறது.
இந்த காலகட்டத்தில் போதை மருந்து தொடர்பாக 45 நாட்கள் சிறையிலும் இருந்துள்ளார்.
பொதுமக்களுக்கு தாம் அதிக பண உதவிகள் செய்ததாகவும், ஆனால் அவர்கள் மறந்து விட்டார்கள் என Leroy N. Fick ஒருமுறை கூறியிருந்தார்.