மகளாக பார்க்கவேண்டிய இளவரசி டயானாவிடம் மோசமாக நடந்துகொண்ட காதலரின் தந்தை

இளவரசி டயானாவின் காதலரின் தந்தை குறித்து இளம்பெண்கள் பலர் புகாரளித்துவரும் நிலையில், டயானாவிடமே அவர் மோசமாக நடந்துகொண்டதாக ஒரு தகவல் வெளியாகியுள்ளது.

பெண்கள் புகார்

சமீப காலமாக, இளவரசி டயானாவின் காதலரான டோடியின் தந்தை குறித்து பிரித்தானிய ஊடகங்களில் சர்ச்சைக்குரிய பல செய்திகள் தொடர்ந்து வெளியாகிவருகின்றன.

1997ஆம் ஆண்டு ஜூலை மாதம், எகிப்து நாட்டு திரைப்படத் தயாரிப்பாளரான டோடி என்பவரைக் காதலிக்கத் துவங்கினார் டயானா.

டோடியின் தந்தையான முகமது ஃபயத் (Mohamed Fayed), புகழ்பெற்ற Harrods என்னும் ஆடம்பரப் பொருட்கள் விற்பனையகத்தின் உரிமையாளராக இருந்தவர் ஆவார்.

அவர் பல பெண்களை சீரழித்ததாகவும், சீரழிக்க முயன்றதாகவும் தொடர்ந்து செய்திகள் வெளியாகிவருகின்றன.

டயானாவிடம் மோசமாக நடந்துகொண்ட காதலரின் தந்தை

[R8149K

இந்நிலையில், அந்த நபர், இளவரசி டயானாவிடமே மோசமாக நடந்துகொண்டதாக தற்போது ஒரு தகவல் வெளியாகியுள்ளது.

அதுவும், அந்த தகவலைத் தெரிவித்துள்ளவர், டயானா குறித்த பல தகவல்களைத் தெரிவித்துவரும் டயானாவின் பட்லரான பால் பர்ரல்!

ஒரு நாள் பால் தனது காரில் அமர்ந்திருக்கும்போது, டயானா நடுக்கத்துடன் ஓடோடிவந்தாராம். அவர் கூறிய விடயம் அதிர்ச்சியை ஏற்படுத்தியதாக தெரிவிக்கிறார் பால்.

அதாவது, டயானாவின் காதலரான டோடியின் தந்தையான ஃபயத், இளவரசி டயானாவிடம் வந்து, நீ என் மகனைத் திருமணம் செய்துகொள்ளவேண்டும்.

ஆனால், எங்கள் எகிப்து பாரம்பரியப்படி நான்தான் உன்னுடன் முதலில் உடல் ரீதியான உறவு வைத்துக்கொள்வேன் என்று கூற, அதிர்ச்சியில் நடுநடுங்கிப்போனாராம் டயானா.

அத்துடன், அனுமதியில்லாமல், ஃபயத் தன்னை அவ்வப்போது தொடுவதாகவும் டயானா பால் பர்ரலிடம் கூறியுள்ளார்.

கோடீஸ்வரரான இந்த ஃபயத், டயானா மீது நீண்ட காலம் முன்பே கண் வைத்திருப்பார் போலும். ஏனென்றால், 1987ஆம் ஆண்டிலேயே, அவர் யார் என்று தெரியும் முன்பே, சார்லஸ் மற்றும் டயானாவுடன் ஒரு புகைப்படத்தில் காணப்படுகிறார் ஃபயத்.

அத்துடன், டயானாவின் பல தொண்டு நிறுவனங்களுக்கு அவர் ஸ்பான்சர் செய்துள்ளார்.

டயானா சார்லசைப் பிரிந்ததும், தன் படகில் பிள்ளைகளுடன் நேரம் செலவிடும்படி டயானாவை அழைத்துள்ளார் ஃபயத்.

அந்த படகில் நேரம் செலவிடும்போதுதான், ஃபயத்தின் மகனான டோடியுடன் நெருக்கமாகியுள்ளார் டயானா.

ஆக, தன் மகன் டயானாவைக் காதலிப்பது தெரிந்தும், மகள் போல நடத்தவேண்டிய டயானாவிடமே மோசமாக நடந்துகொண்டுள்ளார் ஃபயத்!