லங்காசிறி FM
இரக்கமே காட்டாத பூரன்... ஐதராபாத் அணியை துவைத்தெடுத்த லக்னோ
Arbin
in கிரிக்கெட்
ஐதாரபாத்தில் இன்று நடைபெற்ற 7வது லீக் ஆட்டத்தில் ஐதராபாத்தை 5 விக்கெட்டுகள் வித்தியாசத்தில் வீழ்த்தி லக்னோ அனி அபார வெற்றிபெற்றது.
ஷர்துல் தாகூர் 4 விக்கெட்டுகள்
நாணய சுழற்சியில் வென்ற லக்னோ அணி முதலில் பந்து வீச்சை தெரிவு செய்தது. இதையடுத்து முதலில் துடுப்பாட்டம் செய்த ஐதராபாத் அணி 20 ஓவர்கள் முடிவில் 9 விக்கெட்டுகள் இழப்பிற்கு 190 ஓட்டங்கள் குவித்தது.
அதிகபட்சமாக ஹெட் 47 ஓட்டங்களும், அங்கித் வர்மா 36 ஓட்டங்களும், நிதிஷ் ரெட்டி 32 ஓட்டங்களும் குவித்தனர். லக்னோ தரப்பில் அந்த அணியின் ஷர்துல் தாகூர் அதிகபட்சமாக 4 விக்கெட்டுகளை வீழ்த்தினார்.
இதையடுத்து 191 ஓட்டங்கள் எடுத்தால் வெற்றி என்ற சவாலான இலக்குடன் லக்னோ அணி களமிறங்கியது. தொடக்க வீரர் மார்க்ரம் 1 ரன்னில் ஆட்டமிழந்தார். ஆனாலும், நிகோலஸ் பூரனுடன் ஜோடி சேர்ந்த மிச்சேல் மார்ஷ் 52 ஓட்டங்கள் குவித்தார்.
பூரன் 18 பந்துகளில் அரை சதம்
அதேவேளை அதிரடியாக ஆடிய நிகோல்ஸ் பூரன் 26 பந்துகளில் 70 ஓட்டங்கள் குவித்தார். நிக்கோலஸ் பூரன் வரிசையாக சிக்ஸர்களை விளாசினார். யார் பந்து வீசினாலும் அவர் சிக்ஸர்கள் பறக்க விடுவதை நிறுத்தவில்லை.
சிமர்ஜீத் சிங், முகமது ஷமி, அபிஷேக் ஷர்மா, ஆடம் ஜம்பா என அனைவரின் பந்துகளிலும் சிக்ஸர்கள் விளாசப்பட்டன. இதனால் 8 ஓவர்களில் லக்னோ அணி 111 ஓட்டங்களை எடுத்தது.
நிக்கோலஸ் பூரன் 18 பந்துகளில் அரை சதம் கடந்தார். இறுதியில் 16.1 ஓவரில் 5 விக்கெட்டுகளை இழந்த லக்னோ 193 ஓட்டங்கள் குவித்தது. இதன் மூலம் சன்ரைசர்ஸ் ஐதராபாத்தை 5 விக்கெட்டுகள் வித்தியாசத்தில் வீழ்த்தி லக்னோ அணி அபார வெற்றிபெற்றது.
லக்னோ அணியின் டேவிட் மில்லர் 7 பந்துகளில் 13 ஓட்டங்களுடனும், அப்துல் சமத் 8 பந்துகளில் 22 ஓட்டங்களுடனும் களத்தில் நின்று அணியின் வெற்றிக்கு வழிவகுத்தனர். ஐதராபாத் தரப்பில் அந்த அணியின் கேப்டன் கம்மின்ஸ் அதிகபட்சமாக 2 விக்கெட்டுகளை வீழ்த்தினார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Myliddy, Liverpool, United Kingdom, Gerrards Cross, United Kingdom
25 Mar, 2025
யாழ்ப்பாணம், Gravesend, United Kingdom, Kent, United Kingdom
01 Mar, 2025
