லங்காசிறி FM
குருணால் பாண்ட்யா, ராகுல் அபாரம்... ஹைதராபாத் அணியை எளிதில் வீழ்த்திய லக்னோ
குருணால் பாண்ட்யா மற்றும் கே.எல் ராகுல் அதிரடியால் ஹைதராபாத் அணியை எளிதில் வீழ்த்தி லக்னோ அபார வெற்றி பெற்றுள்ளது.
சிறப்பாக விளையாடிய அன்மோல்பிரீத் சிங்
இன்று நடைபெற்ற 10வது லீக் ஆட்டத்தில் முன்னாள் சாம்பியனான சன்ரைசர்ஸ் ஐதராபாத் அணியும், லக்னோ சூப்பர் ஜெயண்ட்ஸ் அணியும் மோதின நாணய சுழற்சியில் வென்ற ஐதராபாத் அணி முதலில் துடுப்பாட்டம் செய்வதாக அறிவித்தது.
ஹைதராபாத் அணியில் தொடக்க வீரராக களமிறங்கிய மயங்க் அகர்வால் 8 ஓட்டங்களில் ஆட்டமிழந்தார். பின்னர் சிறப்பாக விளையாடிய அன்மோல்பிரீத் சிங் 31 ஓட்டங்கள் எடுத்து ஆட்டமிழந்தனர்.
லக்னோ அணியின் சுழற்பந்துவீச்சாளர்கள் ஹைதராபாத் அணிக்கு தொடர்ந்து நெருக்கடி கொடுத்தனர். கேப்டன் மார்க்ரம் ரன் எதுவும் எடுக்காமலும், ஹர்ரி புரூக் 3 ரன்களும் எடுத்து ஆட்டமிழந்தனர்.
மறுமுனையில் நிலைத்து ஆடிய ராகுல் திரிபாதி 35 ஓட்டங்கள் எடுத்து ஆட்டமிழந்தார். இறுதியில் 20 ஓவர்கள் முடிவில் ஹைதராபாத் 8 விக்கெட் இழப்பிற்கு 121 ஓட்டங்கள் எடுத்தது.
லக்னோ சார்பில் குருனால் பாண்டியா 3 விக்கெட்டும், அமித் மிஸ்ரா 2 விக்கெட், ரவி பிஷ்ணோய், யாஷ் தாகூர் தலா 1 விக்கெட்டும் எடுத்தனர். தொடர்ந்து 122 ஓட்டங்கள் இலக்குடன் லக்னோ அணி விளையாடியது.
கே.எல். ராகுல் அதிரடி
தொடக்க வீரர்களாக கேப்டன் கே.எல்.ராகுல், கைல் மேயர்ஸ் களமிறங்கினர். மேயர்ஸ் 13 ஓட்டங்களில் ஆட்டமிழந்தார். பின்னர் வந்த தீபக் ஹூடா 7 ஓட்டங்களில் வெளியேறினார். மறுமுனையில் கே.எல். ராகுல் அதிரடி காட்டினார்.
பந்துகளை பவுண்டரிக்கு விரட்டிய அவர் 35 ஓட்டங்கள் எடுத்து ஆட்டமிழந்தார். குருணால் பாண்ட்யா 34 ஓட்டங்கள் எடுத்து ஆட்டமிழந்தார், இறுதியில் 16 ஓவர்கள் முடிவில் 5 விக்கெட் இழப்பிற்கு 127 ஓட்டங்கள் எடுத்து லக்னோ அணி வெற்றி பெற்றது.
இந்த வெற்றியால் லக்னோ அணி 3 போட்டியில் விளையாடி 2 வெற்றி என புள்ளி பட்டியலில் முதலிடத்திற்கு முன்னேறியது . ஹைதராபாத் அணி 2 போட்டியில் 2 தோல்வியுடன் கடைசி இடத்தில் உள்ளது.
புங்குடுதீவு 10ம் வட்டாரம், சென்னை, India, Toronto, Canada
09 Sep, 2023
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023
