லங்காசிறி FM
30 ஆண்டுகளாக தன் வீட்டில் சும்மா கிடந்த கைக்கடிகாரத்தை விற்பனைக்காக கொண்டு வந்த நபருக்கு அடித்த அதிர்ஷ்டம்
பிரித்தானியர் ஒருவர், 30 ஆண்டுகளுக்கு முன் 449 பவுண்டுகளுக்கு வாங்கிய கைக்கடிகாரம் ஒன்றை தனது வீட்டில் ஓரிடத்தில் போட்டு வைத்திருந்திருக்கிறார்.
1982ஆம் ஆண்டு, 483 பவுண்டுகளுக்கு அவர் அந்த கைக்கடிகாரத்தை வாங்க, தள்ளுபடி 34 பவுண்டுகள் போக, அவர் அதற்காக 449 பவுண்டுகள் கட்டணம் செலுத்தியுள்ளார்.
கொஞ்சம் காலம் அதை அணிந்தபின், ஒரு 30 ஆண்டுகளாக அதை பயன்படுத்தாமல் ஓரிடத்தில் வைத்திருந்திருக்கிறார் அவர்.
தற்போது அதை அவர் விற்பனைக்காகக் கொண்டு செல்ல, அதன் மதிப்பை அறிந்த அவர் ஆச்சரியத்தில் ஆழ்ந்துபோனார்.
எடின்பர்கைச் சேர்ந்த அந்த நபர், அந்த கைக்கடிகாரத்தை Richard Price என்னும் நிபுணரிடம் கொண்டு செல்ல, அதை ஆராய்ந்த Richard, அந்த கைக்கடிகாரம் Rolex Submariner 1665 என்னும் அபூர்வ கைக்கடிகாரம் என்று கூறியிருக்கிறார்.
அத்துடன், இப்போது அந்தக் கைக்கடிகாரம் 18,000 முதல் 20,000 பவுண்டுகள் வரை விலை போகும் என்று Richard கூற, நம்பமுடியவில்லை என்று கூறி ஆச்சரியத்தில் வாய்பிளந்துவிட்டார் அந்த கைக்கடிகாரத்தின் சொந்தக்காரர்!
இந்த செய்தி சமூக ஊடகம் ஒன்றில் வெளியாக, அதைப் படித்த மக்களும் ஆச்சரியத்தில் ஆழ்ந்திருப்பதாக கருத்துக்கள் தெரிவித்துவருகிறார்கள்.
