லங்காசிறி FM
புற்றுநோயால் உயிரிழந்த மகளுக்கு வரலாற்று வெற்றிக் கிண்ணம்! PSG பயிற்சியாளர் புகைப்படம் வைரல்
ஜேர்மனியின் Allianz Arena மைதானத்தில் நடந்த UEFA இறுதிப்போட்டியில், பாரிஸ் செயின்ட்-ஜேர்மைன் (PSG) மற்றும் இன்டர் மிலன் (Inter Milan) அணிகள் மோதின.
இந்த போட்டியில், 5-0 என்ற கோல் கணக்கில் இன்டர் மிலனை வீழ்த்தி, PSG அணி முதல் UEFA கிண்ணத்தை வென்றது.
மகளுக்காக கோப்பை
PSG அணி கிண்ணத்தை வென்ற நிலையில், அந்த அணியின் பயிற்சியாளர் லூயிஸ் என்ட்ரிக் அவரது மகளை நினைவுகூரும் விதமாக டி-ஷர்ட் அணிந்தது ரசிகர்களிடையே நெகிழ்ச்சியை ஏற்படுத்தியது.
2015 ஆம் ஆண்டு பார்சிலோனா அணியின் பயிற்சியாளராக லூயிஸ் இருந்தபோது அந்த அணி சாம்பியன்ஸ் லீக் கோப்பை வென்றது.
அப்போது அவரது 6 வயது மகள் சானாவுடன் மைதானத்தில் பார்சிலோனா கொடியை பிடித்தபடி, ஓடியாடி கொண்டாடினார் லூயிஸ். எதிர்பாராத விதமாக 2019ம் ஆண்டு புற்றுநோயால் சானா உயிரிழந்தார்.
இப்போது PSG அணிக்காக சாம்பியன்ஸ் லீக் கோப்பையை வென்றுள்ளபோது அவரது மகள் உடனில்லை.
10 ஆண்டுகளுக்கு முன்னர், சானா பார்சிலோனா கொடியை பிடித்தபடி, தந்தையுடன் இருந்ததை நினைவுபடுத்தும் வகையில், தந்தையும் மகளும் PSG கொடியை தரையில் நடுவதை சித்தரிக்கும் பதாகையை ரசிகர்கள் ஏந்திச் சென்றனர்.
இந்த புகைப்படங்கள் இணையத்தில் வைரலாகி வருகிறது.
இது தொடர்பாக பேசிய லூயிஸ் என்ரிக், "இது உணர்ச்சிவசமானது. ரசிகர்கள் என்னைப் பற்றியும் என் குடும்பத்தைப் பற்றியும் நினைத்தது அழகாக இருக்கிறது.
ஆனால் என் மகளைப் பற்றி சிந்திக்க சாம்பியன்ஸ் லீக்கை வெல்ல வேண்டிய அவசியமில்லை அல்லது ஒரு ஆட்டத்தை கூட வெல்ல வேண்டிய அவசியமில்லை. அவள் எப்போதும் என்னுடன் இருக்கிறாள்" என்று கூறினார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
மாவிட்டபுரம், மல்லாகம், Lewisham, United Kingdom, Harrow, United Kingdom
08 Jun, 2026
தம்பிலுவில், இணுவில் மேற்கு, Kenton, United Kingdom, இணுவில் கிழக்கு
06 Jun, 2026
புங்குடுதீவு 12ம் வட்டாரம், பேர்ண், Switzerland, Toronto, Canada
10 Jun, 2021
தாவடி தெற்கு கொக்குவில், Lenzburg, Switzerland, Staufen, Switzerland
22 May, 2025
ஆவரங்கால், India, ஈரான், Iran, பிரான்ஸ், France, Herborn, Germany
30 May, 2026
புங்குடுதீவு 4ம் வட்டாரம், புங்குடுதீவு 5ம் வட்டாரம், செட்டிக்குளம், பேர்லின், Germany
04 Jun, 2026
