Lunula: நகத்தில் பிறை வடிவம்.. சிறுநீரக, இதய நோயின் அறிகுறியா? முழுமையான விளக்கம்

நம்முடைய நகங்களின் அடிப்பகுதியில் காணப்படும் சிறிய பிறை வடிவத்தை நீங்கள் கவனித்ததுண்டா? அது எதனால் தோன்றுகிறது என நீங்கள் யோசித்ததுண்டா?

நமது நகங்கள் உடல் ஆரோக்கியத்தை வெளிக்காட்டும் கண்ணாடி, இதயம், சிறுநீரகம் மற்றும் ஒட்டுமொத்த உடல் ஆரோக்கியத்தை பற்றி இது உணர்த்தும்.

சிறிய பிறை போன்ற வடிவத்தை Lunula என்று அழைக்கிறோம், சிறிய நிலவு என பொருள்படும் லத்தீன் மொழியில் இருந்து வந்த பெயர் தான் Lunula.

இது நகத்தை சுற்றியுள்ள தோலுக்கு அருகில் காணப்படும் வெண்ணிறமான வளைந்த பகுதியாகும், கட்டை விரலில் மிக தெளிவாக தெரியும்.

பொதுவாக வெளிர் நிறத்திலும் அரைவட்ட வடிவிலும் சீரான நிறத்துடனும் காணப்படும். கூர்மையான விளிம்புகளோ நிற மாற்றங்களோ அல்லது ஒழுங்கற்ற கோடுகளோ இருக்காது.

ஒருவரின் உடல்நிலைக்கு ஏற்பட இதன் நிறம் வடிவம் மற்றும் அளவு மாறக்கூடும், உடலில் ரத்த ஓட்டம், வளர்சிதை மாற்றம் மற்றும் உடல் உறுப்புகளின் செயல்பாடு குறித்த தகவல்களை உணர்த்தும் குறியீடாக இது செயல்படுகிறது.

Lunula இயல்பான ஒன்றா?

இரண்டுமே இயல்பான ஒன்று தான், ஒரு சிலருக்கு பெரிய நன்றாக கண்களுக்கு தெரியும்படி இருக்கும், சிலருக்கு தெளிவாக தெரியாமல் இருக்கலாம்.

ஆனால் இது ஏற்படும் திடீரென மாற்றங்கள், நீலம், சிவப்பு மற்றும் மஞ்சள் நிறத்தில் மாற்றம் ஏற்படுவது கவனிக்ககூடிய ஒன்றே.

Lunula மறைந்து போனால்

Lunula மறைந்து போவதற்காக மரபணு அல்லது வயது மூப்படைவது காரணமாக இருக்கலாம், ஆனால் திடீரென்ற மாற்றம் குறைந்த வளர்சிதை மாற்றம், ரத்தசோகை மற்றும் ரத்த ஓட்டம் குறைவதை குறிக்கிறது.

சில ஆய்வுகளின் படி தைராய்டு பிரச்சனை மற்றும் நாள்பட்ட சிறுநீரக நோய்களின் அறிகுறியாகவும் இது பார்க்கப்படுகிறது.

மறுபுறம் குறைந்தளவு புரோட்டீன் உட்கொள்ளுதல், விட்டமின் பி12 குறைபாடும் இதற்கு காரணமாக இருக்கலாம்.

Lunula வில் நிறமாற்றம்

Lunula நீல நிறத்தில் அல்லது ஊதா நிறத்தில் இருந்தால் ரத்த ஓட்டத்தில் குறைபாடு இருக்கலாம் அல்லது இதயம் தொடர்பான பிரச்சனைகள் இருக்கலாம்.

சிவப்பு நிறத்தில் இருந்தால் தன்னுடல் தாக்க நோய் அல்லது இதயம் தொடர்பான பிரச்சனைகளுடன் தொடர்புடையவது.

மஞ்சள் நிறம் மஞ்சள் காமாலை அல்லது நகத்தொற்றுகளை குறிக்கலாம்.

இணையத்தில் கிடைக்கப்பெற்ற தகவல்களை கொண்டு உருவாக்கப்பட்ட கட்டுரை இதுவாகும், உங்களுக்கான அறிகுறிகளை கொண்டு முறையான மருத்துவரை அணுகி பரிசோதனை செய்து கொள்வது அவசியம்.