முட்டாள்தனமான கருத்துகள்... ட்ரம்ப் உட்பட வெளிநாட்டுத் தலைவர்களைச் சாடிய மேக்ரான்

Macron accuses Trump and other foreign leaders: ட்ரம்ப் மற்றும் பிற வெளிநாட்டுத் தலைவர்கள் மீது மேக்ரான் குற்றம் சாட்டுகிறார்.

பிரான்சில் நடைபெறும் தெருவோரக் கலவரங்கள் குறித்து அரசியல் ஆதாயத்திற்காக டொனால்ட் ட்ரம்ப் மற்றும் பிற வெளிநாட்டுத் தலைவர்கள் முட்டாள்தனமான கருத்துக்களை தெரிவிப்பதாக இமானுவல் மேக்ரான் குற்றம் சாட்டியுள்ளார்.

முட்டாள்தனமான

கத்தாருக்கான பயணத்தின் போது பேசிய பிரெஞ்சு ஜனாதிபதி, குறிப்பிட்ட தலைவர்களின் பெயர்களைக் குறிப்பிடவில்லை என்றாலும், சனிக்கிழமையன்று நடைபெற்ற கலவரங்களுக்குப் பிறகு வெளியானத் தகவல்களின் அடிப்படையில், வெளிநாட்டுத் தலைவர்கள் உட்பட பலரிடமிருந்து, ஏற்றுக்கொள்ள முடியாத, அதே சமயம் முட்டாள்தனமான கருத்துகள் வெளிவந்துள்ளதாகக் கூறினார்.

டொனால்ட் ட்ரம்பைக் குறிப்பிடுகிறீர்களா என்ற கேள்விக்கு, மற்றவர்களையும் சேர்த்து என்று மேக்ரான் பதிலளித்துள்ளார். இடைத்தேர்தலுக்கு முன்பு தனது குடியரசுக் கட்சிக்காகப் பிரச்சாரம் செய்யும் அமெரிக்க ஜனாதிபதி,

பிரான்சின் வன்முறைக்குக் குடியேறிகள், ஜிஹாதிகள் மற்றும் கம்யூனிஸ்டுகளே காரணம் என்று பகிரங்கமாகக் குற்றம் சாட்டியுள்ளார். தோஹாவில் செய்தியாளர்களிடம் பேசிய மேக்ரான், தேர்தல் பிரச்சாரத்தில் ஈடுபட்டுள்ள சில தலைவர்கள்,

அவர்கள் இந்த பிராந்தியத்தைச் சேர்ந்தவர்களாக இருந்தாலும் சரி அல்லது அட்லாண்டிக் பெருங்கடலுக்கு அப்பால் உள்ளவர்களாக இருந்தாலும் சரி, சில குறிப்பிட்ட தரப்பினர் திட்டமிட்டு முன்னெடுத்து வரும் கருத்துகளை மிகவும் அப்பாவித்தனமாகப் பரப்பி வருகிறார்கள் என்று கூறினார்.

உக்ரைனில் இருந்து கைது செய்யப்பட்ட அமெரிக்க குடிமகனை விடுவித்த ரஷ்யா

மேலும், அவர்கள் எங்கள் நாட்டைத் தங்கள் சொந்த அரசியல் ஆதாயங்களுக்காகப் பயன்படுத்தி வருகின்றனர் என்று பிரெஞ்சு ஜனாதிபதி கூறியுள்ளார்.

எங்களுக்கு அது தேவையில்லை. ஏற்கனவே நாங்கள் எதிர்கொள்ள வேண்டிய சிக்கல்கள் பல உள்ளன எனவும் மேக்ரான் குறிப்பிட்டுள்ளார்.

பிரான்சில் உண்மையில் நடக்காத நிகழ்வுகளைச் சித்தரிக்கும், AI மூலம் உருவாக்கப்பட்ட படங்கள் பரவி வருவதாகக் குறிப்பிட்டுள்ள மேக்ரான், புலம்பெயர்ந்தோரும் இஸ்லாமியர்களும் பெருமளவில் வந்து பிரான்ஸைக் கைப்பற்றிவிட்டதாகச் சிலர் வாதிடுகின்றனர்; இது முற்றிலும் பொய்யான தகவல் எனவும் அவர் தெரிவித்துள்ளார்.

இஸ்ரேலில் தேர்தல் நெருக்கடியில் உள்ள பிரதமர் பெஞ்சமின் நெதன்யாகு, பிரான்ஸ் தீவிரவாத இஸ்லாத்தின் ஊடுருவலால் பாதிக்கப்பட்டுள்ளதாக தனது தேர்தல் பரப்புரையில் குறிப்பிட்டுள்ளார்.

ஆனால், பிரான்சில் நடைபெற்ற போராட்டங்களுக்கு புலம்பெயர்ந்தவர்களே முக்கியக் காரணம் என்ற கூற்றுகளை ஆய்வாளர்கள் நிராகரித்துள்ளனர்.

போராட்டங்களுக்குத் தடை

பிரான்சில் ஜனாதிபதித் தேர்தல் நடைபெற இன்னும் ஆறு மாதங்களே உள்ள நிலையில், ஏற்பட்டுள்ள ஒரு நெருக்கடியைச் சமாளிக்க மேக்ரானும் அவரது அரசாங்கமும் போராடி வருகின்றனர்.

மேலும் போராட்டங்கள் நடைபெறலாம் என பாரிஸ் நகரம் தயாராகி வரும் நிலையில், வியாழக்கிழமையன்று அதன் சில பகுதிகளில் போராட்டங்களுக்குத் தடை விதிக்கப்படும் என காவல்துறை தெரிவித்துள்ளது.

காலை 8 மணி முதல் இரவு 8 மணி வரை அமுலில் இருக்கும் இந்தத் தடை, எலிசே ஜனாதிபதி மாளிகை, நாடாளுமன்றத்தின் இரு அவைகள் உள்ளிட்ட முக்கிய அடையாளச் சின்னங்களுக்கும், லூவர் அருங்காட்சியகம் மற்றும் சாம்ப்ஸ்-எலிசே போன்ற சுற்றுலாத் தலங்களுக்கும் பொருந்தும்.

பேரணிகளுக்குத் தடை விதிக்கப்படும் மற்ற பகுதிகளில் பாஸ்டில் மற்றும் ரிபப்ளிக் சதுக்கங்களும், வார இறுதியில் கொள்ளையர்களால் கடுமையாகக் குறிவைக்கப்பட்ட ஷாட்டே-லெ ஹால்ஸ் வணிக வளாகப் பகுதியும் அடங்கும்.

பாரிஸ், மார்சேய் மற்றும் லில் உள்ளிட்ட பிரான்ஸ் முழுவதும் உள்ள நகரங்களில், வன்முறைப் போராட்டங்கள் மற்றும் கொள்ளைச் சம்பவங்கள் அதிகம் நிகழக்கூடிய பகுதிகளில், திங்கள் மற்றும் செவ்வாய் கிழமைகளில் விதிக்கப்பட்ட பகுதி நேர இரவு நேர ஊரடங்குகள், ஒப்பீட்டளவில் அமைதியை நிலைநாட்ட உதவியுள்ளன.

இதனிடையே, போராட்டங்களின் போதும் அதற்குப் பின்னரும் கைது செய்யப்பட்ட 2,500 பேரில், 174 பேர் சிறையில் அடைக்கப்பட்டுள்ளதாக நீதித்துறை அமைச்சர் ஜெரால்ட் தார்மானின் புதன்கிழமை தெரிவித்தார். மேலும் 917 பேர் மீது முறையாக வழக்குத் தொடரப்பட்டுள்ளது எனவும் அவர் குறிப்பிட்டுள்ளார்.