ஜூன் 2027-க்குள் 5 புதிய கார்களை அறிமுகம் செய்ய மகிந்திரா திட்டம்

Electric Vehicle Mahindra and Mahindra

By Ragavan Nov 07, 2026 02:51 PM GMT

Ragavan

in தொழில்நுட்பம்

Report

Mahindra Confirms 5 New Vehicle Launches by 2027: ஜூன் 2027-க்குள் 5 புதிய கார்களை அறிமுகம் செய்ய மகிந்திரா திட்டமிட்டுள்ளது.

மகிந்திரா 5 புதிய கார்கள் அறிமுகம்

இந்தியாவின் முன்னணி வாகன உற்பத்தியாளர்களில் ஒன்றான மகிந்திரா & மகிந்திரா, 2027 ஜூன் மாதத்திற்குள் ஐந்து புதிய வாகனங்களை அறிமுகப்படுத்தத் திட்டமிட்டுள்ளதாக உறுதிப்படுத்தியுள்ளது.

நிறுவனத்தின் நீண்டகால தயாரிப்பு விரிவாக்கத் திட்டத்தின் ஒரு பகுதியாக இந்த புதிய மாடல்கள் சந்தைக்கு வரவுள்ளன.

Mahindra-Confirms-5-New-Vehicle-Launches-by-2027

மகிந்திரா நிறுவனம் 2031-ஆம் ஆண்டுக்குள் மொத்தம் 16 புதிய மாடல்களை அறிமுகப்படுத்தும் இலக்கை முன்வைத்துள்ளது. இதில் 10 ICE வாகனங்களும், 6 மின்சார வாகனங்களும் இடம்பெறவுள்ளன. அந்தத் திட்டத்தின் முதல் கட்டமாக 2027 முதல் பாதியில் ஐந்து புதிய மாடல்கள் அறிமுகமாகும் என தெரிவிக்கப்பட்டுள்ளது.

இந்த வரிசையில் மூன்று பயணிகள் வாகனங்கள், ஒரு புதிய லைட் கமர்ஷியல் வாகனம் மற்றும் ஒரு Facelift மாடல் இடம்பெறும் என கூறப்படுகிறது. இருப்பினும், அனைத்து மாடல்களின் பெயர்களையும் நிறுவனமானது இன்னும் அதிகாரப்பூர்வமாக வெளியிடவில்லை.

சோதனை ஓட்டங்களில் காணப்பட்ட தகவல்களின் அடிப்படையில், புதிய Vision S compact SUV, BE 07 எலக்ட்ரிக் SUV மற்றும் Scorpio Lifestyler பிக்கப் டிரக் ஆகியவை இந்த அறிமுக பட்டியலில் இடம்பெற வாய்ப்புள்ளதாக கூறப்படுகிறது.

Vision S SUV, வலுவான மற்றும் பெட்டிபோன்ற வடிவமைப்புடன் நகர்ப்புற வாடிக்கையாளர்களை குறிவைத்து உருவாக்கப்பட்டு வருகிறது. பெட்ரோல், டீசல் மற்றும் மின்சார பவர்டிரெயின் விருப்பங்களுடன் இந்த மாடல் வெளியாகும் என எதிர்பார்க்கப்படுகிறது.

அதேபோல், BE 07 மின்சார SUV, தற்போது விற்பனையில் உள்ள BE 6 மாடலின் தொழில்நுட்பங்களை பகிர்ந்து கொள்ளும் என்று தகவல் வெளியாகியுள்ளது. உயர்தர தொழில்நுட்ப வசதிகள், Level-2 ADAS பாதுகாப்பு அமைப்பு மற்றும் பல நவீன அம்சங்கள் இதில் இடம்பெறலாம். மேலும், Scorpio Lifestyler பிக்கப் டிரக், 2023ல் அறிமுகப்படுத்தப்பட்ட Global Pik Up Concept அடிப்படையில் உருவாகிறது.

சக்திவாய்ந்த தோற்றம் மற்றும் ஆஃப்-ரோடு திறன்களுடன் இந்த மாடல் சந்தையில் அறிமுகமாகும் என எதிர்பார்க்கப்படுகிறது. புதிய SUV மற்றும் மின்சார வாகனங்களின் மூலம் இந்திய வாகன சந்தையில் தனது நிலையை மேலும் வலுப்படுத்த மகிந்திரா நிறுவனம் தீவிரமாக செயல்பட்டு வருவது இந்த அறிவிப்பின் மூலம் தெளிவாகியுள்ளது.