லங்காசிறி FM
தூக்கில் தொங்கிய பிரபல நடிகை... மரணத்திற்கு காரணம் என்ன? வெளியான திடுக்கிடும் தகவல்கள்
பிரபல மலையாள நடிகை அபர்ணா மரணத்திற்கு, அவரது கணவர் குடித்துவிட்டு தகராறு செய்ததே காரணம் என்ற தகவல் வெளியாகியது அதிர்ச்சியை ஏற்படுத்தியுள்ளது.
மலையாள நடிகை அபர்ணா மரணம்
கேரள மாநிலம், தென்ஹிபாலம் பகுதியை சேர்ந்த மிக பிரபலமான நடிகை அபர்ணா(33). இவருக்கு சஜித் என்ற நபருடன் திருமணமாகி இரண்டு குழந்தைகள் உள்ளனர்.
இவர் திரைப்படங்கள் மற்றும் தொலைக்காட்சி தொடர்களில் நடித்து வந்தார். கல்கி, முத்துகவ், அச்சையன்ஸ், மேகத்தீரதம் உள்ளிட்ட திரைப்படங்களிலும், அட்டசக்தி, மைதிலி வேண்டும் வரம் போன்ற தொடர்களிலும் நடித்து வந்தார்.
இந்நிலையில், கேரளாவில் உள்ள தனது வீட்டில் கடந்த வியாழக்கிழமை இரவு 7.30 மணியளவில் தூக்கிட்டு தற்கொலை செய்து கொண்டார். அப்போது, அபர்னாவின் தாயார் மற்றும் சகோதரி இருந்த நிலையில் தூக்கிட்டுள்ளார்.
இதனால், அதிர்ச்சியடைந்த தாயார், அவரை மீட்டு மருத்துவமனைக்கு கொண்டு சென்றார். அங்கு அவரை பரிசோதித்த மருத்துவர்கள், அபர்ணா ஏற்கனவே உயிரிழந்துவிட்டதாக கூறினர்.
இச்சம்பவம் தொடர்பாக போலீசார் வழக்குப்பதிவு செய்து விசாரணை நடத்தி வந்தனர்.
கணவருக்கு குடிப்பழக்கம், தங்கையுடன் தகாத உறவு
அபர்ணாவின் மரணத்திற்கு பொலிசார் நடத்திய முதற்கட்ட விசாரணையில், கணவர் சஜித்தின் குடிப்பழக்கம் மற்றும் குடும்ப பிரச்சனை தான் காரணம் என்ற தகவல் வெளியாகியுள்ளது.
கடந்த 2021 ஆம் ஆண்டு கணவர் சஜித் மற்றும் தங்கை ஐஸ்வர்யா ஆகிய இருவருக்கும் தகாத உறவு இருந்தது அபர்ணாவுக்கு தெரியவந்துள்ளது. இதனால், இவர்களிடையே அடிக்கடி தகராறு ஏற்பட்டுள்ளது.
ஒரு கட்டத்திற்கு மேல் அபர்ணா, சஜித் மற்றும் ஐஸ்வர்யா மீது பொலிசில் புகார் அளித்துள்ளார். இந்த புகாரில் கணவர் கைது செய்யப்பட்டு ஜாமினில் வெளிவந்துள்ளார். பின்னர், அவரது தவறை மன்னித்துவிட்டு மறுபடியும் சேர்ந்து வாழ ஆரம்பித்துள்ளனர்.
ஆனால், சஜித் குடிப்பழக்கத்தை ஆரம்பித்து தொல்லை கொடுத்து வந்துள்ளார். அதுமட்டுமல்லாமல், திரைப்படம் மற்றும் தொடர்களில் நடிக்க கூடாது என்று சஜித் கூறியுள்ளார். இதனால் அபர்ணா, தனது சினிமா வாழ்க்கைக்கு முற்றுப்புள்ளி வைத்துள்ளார்.
பின்னர், தனியார் மருத்துவமனையில் வரவேற்பாளராக வேலை பார்த்து வந்துள்ளார். இதனால், மன உளைச்சலில் இருந்த அபர்ணா வாழ்க்கை நிரந்தரமில்லை என்றும் ஸ்டேட்டஸ் வைத்து வந்துள்ளார். இதில், இவரது தாய், பிரச்சனையை பேசி முடிக்க திட்டமிட்ட நிலையில் தற்கொலை செய்து கொண்டுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
யாழ்ப்பாணம், வவுனியா, கனடா, Canada, Montreal, Canada
31 Aug, 2015
