லங்காசிறி FM
எலும்புகள் உடைக்கப்பட்டு துஷ்பிரயோகத்திற்கு ஆளாகி சிறுமி மரணம்! காதலியுடன் கைதான தந்தை..அதிர்ச்சி பின்னணி
அமெரிக்காவில் 12 வயது சிறுமி ஒருவர், தனது தந்தை மற்றும் அவரது காதலியால் கொடூர சித்ரவதைக்கு ஆளாகி கொல்லப்பட்ட சம்பவம் அதிர்ச்சியை ஏற்படுத்தியது.
சித்ரவதைக்கு ஆளான சிறுமி
பென்சில்வேனியா நகரைச் சேர்ந்த 52 வயது நபர் ரென்டெல் ஹோக்லண்ட். இவர் அவசர உதவி எண்ணான 911ஐ அழைத்து, தனது மகள் மெலிண்டா (12) சுயநினைவிழந்து கிடப்பதாக கூறியுள்ளார்.
மெலிண்டா சைக்கிளில் செல்லும்போது மரத்தில் மோதியதால், சுயநினைவை இழந்து கிடப்பதாக ஹோக்லண்ட் விவரித்துள்ளார்.
அதனைத் தொடர்ந்து, சிறுமி மெலிண்டா படுகாயங்களுடன் மீட்கப்பட்டு மருத்துவமனையில் அனுமதிக்கப்பட்டார். அவரது உடலில் பல எலும்பு முறிவுகள் ஏற்பட்டிருந்ததும், துஷ்பிரயோகம் செய்யப்பட்டிருந்ததும் மருத்துவ சிகிச்சையின்போது தெரிய வந்தது.
ஆனால் துரதிர்ஷ்டவசமாக உடல் உறுப்புகள் செயலிழந்து சிறுமி சிகிச்சை பலனின்றி பரிதாபமாக உயிரிழந்தார்.
இருவரும் கைது
இதனையடுத்து சிறுமியின் தந்தை ஹோக்லாண்ட் மற்றும் அவரது காதலி சிண்டி வாரன் (45) இருவரும் பொலிஸாரால் கைது செய்யப்பட்டனர்.
விசாரணை அதிகாரிகள் இதுகுறித்து கூறுகையில், ''அவர்கள் துஷ்பிரயோகம் நடந்த செல்போன் வீடியோவை நீக்கிவிட்டனர். அதில் மெலிண்டா தன் வீட்டின் அடித்தளத்தில் கட்டி வைக்கப்பட்டிருந்தது பதிவாகி இருந்தது.
வீட்டின் கமெரா அமைப்பில் இருந்து கிடைத்த சில வீடியோக்களில், சிறுமியின் கணுக்கால் விலக்கினால் மரச்சாமனில் கட்டப்பட்டது மற்றும் வாய்மொழியாக அவரை திட்டியது எல்லாம் பதிவாகி இருந்தது.
மேலும், அவர் கடுமையாக ஓடுதல், உடற்பயிற்சி செய்தல் ஆகியவற்றுக்கு கட்டாயப்படுத்தப்பட்டதுடன், அவருக்கு உணவு மறுக்கப்பட்டதும் தெரிய வந்தது'' என கூறியுள்ளனர்.
இருவர் மீதும் கொலை முயற்சி, தாக்குதல் மற்றும் கடத்தல், இதர குற்றச்சாட்டுகள் சுமத்தப்பட்டுள்ளன. கொலை உள்ளிட்ட கூடுதல் குற்றச்சாட்டு இருக்கலாம் என விசாரணை அதிகாரிகள் தெரிவித்துள்ளனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
யாழ் கரவெட்டி மேற்கு, Jaffna, உரும்பிராய், Ajax, Canada
13 Nov, 2021
எழுதுமட்டுவாள், மீசாலை சாவகச்சேரி, Kuala Lumpur, Malaysia
07 Nov, 2024
தாவடி, கொக்குவில் மேற்கு, கொழும்பு, அமெரிக்கா, United States, கனடா, Canada
09 Nov, 2023
