லங்காசிறி FM
வெறும் ரூ 1 லட்சம் முதலீட்டில் தொடங்கப்பட்ட நிறுவனம்... இன்று அதன் மதிப்பு ரூ 97,335 கோடி
எல்லோராலும் துணிச்சலான முடிவை எடுத்து, நம் தொலைநோக்குப் பார்வையை விடப் பெரிய ஒன்றை அடைய கடினமாக உழைக்க முடியாது.
வாழ்க்கையில் ஒரு பெரிய திருப்பம்
ராஜீவ் ஜுனேஜா ஒரு கூச்ச சுபாவம் உள்ள நபராக இருந்து ஒரு பில்லியன் டொலர் நிறுவனத்தை உருவாக்க தன்னம்பிக்கை மற்றும் தைரியத்தைப் பெற்றவர். பொருளாதார ரீதியாக கடுமையாக போராடும் ஒரு சாதாரண டுத்தர குடும்பத்தைச் சேர்ந்தவர் ஜுனேஜா.
ஆனால் அவரது மூத்த சகோதரர் ரமேஷ் ஜுனேஜா அவரை மருந்துத் துறையில் சேர வற்புறுத்தியதன் பின்னர் விரைவிலேயே அவரது வாழ்க்கையில் ஒரு பெரிய திருப்பம் ஏற்பட்டது.
மருந்துத் துறையில் தொடர்ந்து ஆதிக்கம் செலுத்தும் ஒரு நிறுவனத்தை உருவாக்க அவர்கள் ஒன்றாக வேலை செய்யத் தொடங்கினர். கல்லூரிப் படிப்பை பாதியில் நிறுத்திவிட்டு, அறியப்படாத மருந்துத் துறைக்குள் நுழைந்தபோது ராஜீவ் ஜுனேஜாவுக்கு வயது 19 தான்.
மருந்துத் துறையில் ராஜீவ் ஜுனேஜா முதன் முறையாக நுழைந்தது 1984 ஆம் ஆண்டு. கல்லூரிப் படிப்பை பாதியில் நிறுத்திவிட்டு, தனது மூத்த சகோதரருடன் இணைந்து நிறுவிய ஜெனரிக் மருந்து தயாரிப்பாளரின் பிரதிநிதியாகப் பணியாற்றத் தொடங்கினார்.
ஆரம்ப நாட்களில், அவரது மூத்த சகோதரர் ரமேஷ் ஜுனேஜா, காலை 8.30 மணிக்குள் வீட்டை விட்டு வெளியேறவும், இரவு 10 மணிக்கு முன் வீடு திரும்ப வேண்டாம் என்றும் கண்டிப்பாக அறிவுறுத்தியிருந்தார்.
உத்தரபிரதேச மாநிலம் மீரட்டி அவர்களின் வீட்டிற்கு அருகிலுள்ள ஒரு மருத்துவக் கல்லூரியின் மருத்துவர்களை தங்கள் நிறுவனத்தில் இணைக்கும் சலிப்பான பணி ராஜீவ்விடம் வழங்கப்பட்டது.
முன்னணி ஜெனரிக்ஸ் நிறுவனம்
இந்த சகோதரர்கள் இருவரும் 1995 ஆம் ஆண்டு மேன்கைண்ட் பார்மாவைத் தொடங்கினர், இது பல காரணங்களுக்காக ஒரு துணிச்சலான நடவடிக்கையாகும். வெறும் ரூ 1 லட்சம் முதலீட்டில் தொடங்கப்பட்ட இந்த நிறுவனம் படிப்படியாக வளர்ச்சி கண்டது.
தற்போது 58 வயதான ராஜீவ் ஜுனேஜா, மேன்கைண்ட் பார்மாவின் துணைத் தலைவராகவும், 68 வயதான அவரது சகோதரர் ரமேஷ் ஜுனேஜா நிறுவனத்தின் தலைவராகவும் உள்ளார்.
மேன்கைண்ட் பார்மா ஒரு முன்னணி ஜெனரிக்ஸ் நிறுவனமாகும், இது பெரும்பாலும் இந்தியாவில் 1.05 பில்லியன் டொலர் வருவாயை ஈட்டுகிறது. வெறும் 1 லட்சம் முதலீட்டில் தொடங்கப்பட்ட இந்த நிறுவனத்தின் தற்போதைய சந்தை மதிப்பு ரூ 97,335 கோடி என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
மானிப்பாய், திருநெல்வேலி, யாழ் அச்சுவேலி தோப்பு, Jaffna, India, கொழும்பு, Montreal, Canada
02 Sep, 2024
புங்குடுதீவு, புங்குடுதீவு 10ம் வட்டாரம், யாழ்ப்பாணம், Wembley, United Kingdom
10 Sep, 2023
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
