லங்காசிறி FM
ஆங்கிலக்கால்வாயில் நான்கு புலம்பெயர்வோர் உயிரிழந்த விவகாரம்: ஒருவர் கைது
பிரான்சிலிருந்து ஆங்கிலக்கால்வாய் வழியாக பிரித்தானியாவுக்குள் நுழையும் முயற்சியில் நான்கு புலம்பெயர்வோர் உயிரிழந்த விவகாரம் தொடர்பில் ஒருவர் கைது செய்யப்பட்டுள்ளார்.
ஆங்கிலக்கால்வாயில் உயிரிழந்த நான்கு புலம்பெயர்வோர்
பிரான்சிலிருந்து ஆங்கிலக்கால்வாய் வழியாக பிரித்தானியாவுக்குள் நுழையும் புலம்பெயர்வோரைத் தடுக்க, பிரான்சும் பிரித்தானியாவும் பலவேறு முயற்சிகளை மேற்கொண்டு வருகின்றன.
அப்படி பிரித்தானியாவுக்குள் நுழைய விரும்பும் புலம்பெயர்வோரை ஆங்கிலக்கால்வாய் வழியாக பிரித்தானியாவுக்குக் கொண்டு வரும் பல ஆட்கடத்தல் கும்பல்கள் உள்ளன.
ஆட்கடத்தல்காரர்களைப் பொருத்தவரை, புலம்பெயர்வோரை சிறுபடகுகள் மூலம் பிரித்தானியாவுக்கு அழைத்துவருவது அவர்களுக்கு வருவாய் தரும் விடயம்.
ஆக, பிரான்சும் பிரித்தானியாவும் புலம்பெயர்வோரை தடுத்து நிறுத்த என்ன முயற்சிகள் எடுத்தாலும், எப்படியாவது வேறு வழிகளில் தங்கள் ஆட்கடத்தலை தொடர முயற்சிக்கிறார்கள் அந்த கடத்தல்காரர்கள்.
அவ்வகையில், பிரான்ஸ் கடற்கரையில், புலம்பெயர்வோரைத் தடுக்க பொலிசார் ரோந்து முதலான நடவடிக்கைகளில் ஈடுபட்டுவருவதால், இப்போது வேறொரு வழியை முயற்சிக்கிறார்கள் ஆட்கடத்தல்காரர்கள்.
அதாவது, taxi boat என்னும் முறையில், பிரான்ஸ் பொலிசார் கண்ணில் படாமல் கடலில் ஓரளவு ஆழமான இடத்தில் சிறு படகுகள் நிற்கும், புலம்பெயர்வோர் கடலுக்குள் இறங்கிச் சென்று அந்தப் படகில் ஏறிக்கொள்ளவேண்டும். இது அபாயகரமான ஒரு விடயமாகும்.
கடந்த வியாழக்கிழமை இதேபோல சிலர் ஒரு taxi boatஇல் ஏறுவதற்காக கடலுக்குள் இறங்க, கடல் ஆழமாக இருக்க, அவர்களில் இரண்டு ஆண்கள், இரண்டும் பெண்கள் என நான்கு பேர் நீரோட்டத்தால் அடித்துச் செல்லப்பட்டு, கடலில் மூழ்கி உயிரிழந்துவிட்டார்கள்.
ஒருவர் கைது
இந்நிலையில், அந்த புலம்பெயர்வோர் பயணிப்பதற்கான படகை இயக்கிய, சூடான் நாட்டவரான அல்நூர் முகம்மது அலி (Alnour Mohamed Ali, 27) என்பவர் கைது செய்யப்பட்டுள்ளார்.
உயிர்களுக்கு ஆபத்தை ஏற்படுத்திய குற்றத்துக்காக அலி கைது செய்யப்பட்டுள்ளதாக பிரித்தானிய தேசிய குற்றவியல் முகமை தெரிவித்துள்ளது.
இதற்கிடையில், கடலில் மூழ்கி உயிரிழந்தவர்கள் எந்த நாட்டவர்கள் என்பது குறித்த விவரங்கள் வெளியாகவில்லை.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
உடுவில், கொழும்பு, Melbourne, Australia, சிங்கப்பூர், Singapore, Kuala Lumpur, Malaysia, Chennai, India, வவுனியா
26 May, 2026
அளவெட்டி வடக்கு, கொழும்பு, New Jersey, United States, Scarborough, Canada
23 May, 2026
உடுவில் தெற்கு, Stuttgart, Germany, Scarborough, Canada
10 Jun, 2025
கொழும்பு, புங்குடுதீவு 10ம் வட்டாரம், ஜேர்மனி, Germany, Scarborough, Canada
25 May, 2021
மட்டக்களப்பு, Lusaka, Zambia, மஹிகெங், Mahikeng, South Africa
26 May, 2026
கொட்டடி, யாழ்ப்பாணம், நல்லூர், கொக்குவில், Northolt, United Kingdom
23 May, 2026
மாத்தளை, கிளிநொச்சி, புங்குடுதீவு 3ம் வட்டாரம், புங்குடுதீவு குறிகட்டுவான், Villeneuve-Saint-Georges, France
22 May, 2026
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015