லங்காசிறி FM
கனடாவில் பயங்கரம்! துப்பாக்கிச் சூட்டுக் காயங்களுடன் சாலையில் சரிந்த கிடந்த ஆண் மற்றும் பெண்கள்
கனடாவின் டொராண்டோ நகரில் துப்பாக்கிச் சூட்டுக் காயங்களுடன் ஒரு ஆண், இரண்டு பெண்கள் சாலையில் கிடந்த சம்பவம் பரபரப்பை ஏற்படுத்தியுள்ளது.
சம்பவம் குறித்து டொராண்டோ காவல்துறை அதிகாரிகள் கூறியதாவது, அதிகாலை 5 மணியளவில், அடிலெய்ட் மற்றும் டங்கன் தெருக்களில் இருந்தபோது துப்பாக்கிச் சூட்டின் சத்தத்தை கேட்டது.
சம்பவயிடத்திற்கு விரைந்த போது நடைபாதையில் இரண்டு பெண்கள் மற்றும் ஒரு ஆண் துப்பாக்கிச் சூட்டுக் காயங்களுடன் கிடந்தனர்.
3 பேரையும் மீட்டு மருத்துவமனைக்கு அனுப்பி வைத்தோம், சிறிது நேரத்தில் ஆண் உயிரிழந்துவிட்டார்.
உயிரிழந்த ஆணின் விவரம் வெளியாகவில்லை, எனினும் அவரின் வயது 30-க்கு மேல் இருக்கும் என தகவல்கள் வெளியாகியுள்ளது.
பாதிக்கப்பட்ட 3 பேரும் ஒருவருக்கொருவர் தெரிந்தவர்கள் என நம்புவதாக பொலிசார் தெரிவித்துள்ளனர்.
துப்பாக்கிச் சூட்டைத் தொடர்ந்து அப்பகுதியிலிருந்து வாகனம் ஒன்று வெளியேறியதாக பொலிசார் தெரிவித்துள்ளனர்.
தற்போதைக்கு சந்தேக நபர் குறித்து எந்த தகவலும் வெளியாகவில்லை. சம்பவத்தை தொடர்ந்து அப்பகுதியில் சாலைகளை மூடி பொலிசார் விசாரணை மேற்கொண்டு வருகின்றனர்.
