லங்காசிறி FM
மெட்டல் டிடெக்டருடன் அகழ்வாராய்ச்சிக்கு புறப்பட்ட நபருக்குக் கிடைத்த இன்ப அதிர்ச்சி
Amateur archaeologist finds 934 Roman silver denarii in German field: தொழில்முறை தொல்பொருள் ஆய்வாளர் அல்லாத ஒருவர், 934 ரோமர் கால வெள்ளி நாணயங்களைக் கண்டுபிடித்துள்ளார்.
தொழில்முறை தொல்பொருள் ஆய்வாளர் ஒருவர், மேற்கு ஜெர்மனியில் உள்ள ஒரு வயல்வெளியில் பல ரோமானிய வெள்ளி நாணயங்களைக் கண்டுபிடித்துள்ளார்.
மெட்டல் டிடெக்டருடன் புறப்பட்ட நபர்
அகழ்வாராய்ச்சியில் ஆர்வம் கொண்டவரான ஆலிவர் (Oliver Riedl), தனது மெட்டல் டிடெக்டருடன் ஜேர்மனியிலுள்ள வயல் ஒன்றில் ஆய்வில் இறங்கியுள்ளார்.
அப்போது அவரது மெட்டல் டிடெக்டர் ஒலி எழுப்ப, அங்கே அசாதாரண விடயம் ஏதோ உள்ளது என்பதை உணர்ந்த ஆலிவர், உடனே அதிகாரிகளை அழைத்துள்ளார்.
அதைத் தொடர்ந்து அகழ்வாராய்ச்சியைத் தொடங்கிய நிபுணர்கள் குழு, மொத்தம் 934 ரோமானிய வெள்ளி நாணயங்களைக் கண்டுபிடித்துள்ளது.
ரோமானியப் பேரரசர் ஹேட்ரியனின் காலத்திலிருந்து ஜேர்மனியில் இதுவரை கண்டுபிடிக்கப்பட்ட நாணயப் புதையல்களிலேயே இதுதான் மிகப்பெரியது என்று அகழ்வாராய்வு நினைவுச்சின்னங்களுக்குப் பொறுப்பான உள்ளூர் அலுவலகம் தெரிவித்துள்ளது.
3.1 கிலோகிராம் எடையுள்ள அந்த நாணயப் புதையல், செவ்வாய்க்கிழமை அன்று Bonn நகரில் உள்ள LVR-Landes அருங்காட்சியகத்தில் காட்சிக்கு வைக்கப்பட்டுள்ளது.
இந்த நாணயங்கள், கி.பி. இரண்டாம் நூற்றாண்டின் இரண்டாம் காலாண்டில் புதைக்கப்பட்டிருக்கலாம் என கருதப்படுகிறது.
அந்த காலகட்டத்தில், ஒரு சாதாரண போர் வீரரின் ஆண்டு வருவாய் 300 தினாரி. என்றாலும், அதில் ஏறக்குறைய பாதியை உணவு மற்றும் உபகரணங்களுக்காகப் பிடித்தம் செய்துவிடுவார்களாம்.
அப்படியிருக்கும் பட்சத்தில், யாரோ ஒரு போர் வீரர், தனது வருவாய் முழுவதையும் ஆறு ஆண்டுகளுக்கு சேமித்திருந்தால்தான் இப்படி ஒரு நாணயக் குவியலை சேமித்திருக்கமுடியும் என்று கூறுகிறார் ஆராய்ச்சியாளரான ரேச்சல் (Rahel Otte) என்பவர்.
என்றாலும், யார் இந்த நாணயங்களைப் புதைத்துவைத்தது, அவர்கள் ஏன் அதை திரும்ப எடுத்துக்கொள்ளவில்லை என்பது தெரியவில்லை.
ஒருவேளை அவற்றை திரும்ப எடுத்துக்கொள்ளும் முன், அல்லது, அது குறித்து தனது குடும்பத்தினருக்கு தெரியப்படுத்தும் முன் அவர் இறந்துபோயிருக்கலாம் என்கிறார் மற்றொரு ஆய்வாளரான எரிக் (Erich Classen) என்பவர்.
யாழ்ப்பாணம், வவுனியா, கனடா, Canada, Montreal, Canada
31 Aug, 2015
