லங்காசிறி FM
திரைப்பட பாணியில் நடந்த பகீர் சம்பவம்: விசாரணை வட்டத்தில் சுவிஸ் இளைஞர்
Arbin
in சுவிட்சர்லாந்து
சுவிட்சர்லாந்தின் St. Gallen மாநிலத்தில் இளம் பெண் ஒருவர் இளைஞரின் கொடூர தாக்குதலில் இருந்து நூலிழையில் உயிர் தப்பியுள்ள சம்பவத்தில், தொடர்புடைய இளைஞர் விசாரணையை எதிர்கொள்கிறார்.
சுவிட்சர்லாந்தின் St. Gallen Rhine Valley பகுதியில் கடந்த ஆண்டு ஜூன் மாதம் குறித்த கொடூர சம்பவம் அரங்கேறியுள்ளது. சம்பவத்தன்று, சனிக்கிழமை காலை நேரம் தமது குடியிருப்பில் சோபா ஒன்றில் அமர்ந்திருந்த 18 வயது இளம்பெண்ணை, பின்னால் இருந்து அணைத்துக்கொண்ட தற்போது 19 வயதுடைய இளைஞர், கத்தியால் அவரது கழுத்தை கிழித்துள்ளார்.
இதில் கடுமையாக போராடிய குறித்த இளம்பெண், அந்த இளைஞரின் பிடியில் இருந்து தப்பியதுடன், உதவிக்கு கோரியுள்ளார். இந்த நிலையில் குறித்த இளைஞர் அந்த குடியிருப்பில் இருந்து தப்பியுள்ளார்.
கழுத்தில் காயத்துடன் தப்பிய குறித்த இளம்பெண் உடனடியாக மருத்துவமனையை நாடியுள்ளார். தாக்குதலில் ஈடுபட்ட இளைஞர் சம்பவத்தின் போது அதிக மது போதையில் இருந்ததாகவே கூறப்படுகிறது. இருப்பினும், குறித்த நபரால் அந்த பெண் படுகாயமடைய அதிக வாய்ப்புள்ளதாகவும் விசாரணையில் தெரிய வந்துள்ளது.
மேலும், குறித்த இளைஞர் மீது திட்டமிட்ட கொலை முயற்சி என வழக்கு பதியப்பட்டுள்ளது. மட்டுமின்றி, சம்பவம் நடப்பதற்கும் முந்தைய நாள் அந்த இளைஞர் கஞ்சா பயன்படுத்தியுள்ளதும் விசாரணையில் தெரிய வந்துள்ளது.
இந்த வழக்கில் குற்றஞ்சாட்டப்பட்டுள்ள அந்த இளைஞருக்கு 7 ஆண்டுகள் சிறைத்தண்டனையும் 200 பிராங்குகள் பிழையும் விதிக்க வேண்டும் என அரசு தரப்பு நீதிமன்றத்தில் கோரிக்கை வைத்துள்ளது.
முள்ளியான், துன்னாலை, வல்வெட்டி, துணுக்காய், கொழும்பு, வவுனியா
20 Sep, 2015
கொக்குவில், Muscat, Oman, தாவடி, கொழும்பு, Melbourne, Australia
12 Sep, 2025
