முதல் மனைவி தலைமையில் 2-வது திருமணம்! ஒரே வீட்டில் மூவரும் வாழ்ந்த நிலையில் கணவர் தப்பியோட்டம்... பகீர் காரணம்

முதல் மனைவி சம்மதத்தோடு 2வது திருமணம் செய்து கொண்ட நபர் வீட்டில் இருந்து தப்பியோட்டம்.

மனைகளின் தொல்லை தாங்க முடியாமல் தலைமறைவு என தகவல்.

முதல் மனைவி சம்மதத்தோடு 2வது திருமணம் செய்து கொண்டு ஒரே வீட்டில் மூவரும் குடித்தனம் நடத்திய நிலையில் மனைவிகளின் தொல்லையால் கணவர் வீட்டை விட்டு ஓடிவிட்டதாக தகவல் வெளியாகியுள்ளது.

ஆந்திர மாநிலம் திருப்பதியை சேர்ந்த டிக் டாக் பிரபலம் கல்யாண். இவருக்கும் கடப்பாவை சேர்ந்த விமலா என்பவருக்கும் சில ஆண்டுகளுக்கு முன் வீடியோக்கள் எடுப்பது மூலம் தொடர்பு ஏற்பட்டது.

அந்த தொடர்பு காதலாக மாறி சில ஆண்டுகளுக்கு முன்பு திருமணம் செய்து கொண்டனர். சில மாதங்களாக விமலா சோகமாக இருந்து உள்ளார். ஏன் என்று விமலாவிடம் பலமுறை கல்யாண் கேட்டு உள்ளார். அப்போது தான் விசாகபட்டனத்தை சேர்ந்த நித்யாஸ்ரீ என்பவர் தன்னை சந்தித்தகாக கூறினார்.

கல்யாண் திருமணத்திற்கு முன் விசாகபட்டினத்தை சேர்ந்த நித்யாஸ்ரீ என்பவருடன் சேர்ந்து டிக் டாக் வீடியோ உருவாக்கி வந்துள்ளார். அப்போது இருவரும் காதலித்து உள்ளனர். சில காலம் நன்றாக இருந்த காதல் சில காரணங்களால் முறிந்தது. தொலைபேசி தொடர்பும் துண்டிக்கப்பட்டது.

கல்யாண் கடைசியில் அவரை மறந்து விமலாவை மணந்து உள்ளார். திடீரென்று இப்போது நித்யாஸ்ரீ இவர்கள் வாழ்க்கைக்குள் நுழைந்து உள்ளார். நேரடியாக விமலாவிடம் சென்று விவரத்தை கூறி உள்ளார். எந்த மனைவியும் செய்யாத ஒரு தியாகத்தை செய்ய விமலா தயாராகிவிட்டார். விமலா தனது கணவர் கல்யாணை அவரது காதலி நித்யஸ்ரீயை திருமணம் செய்து வைக்க தயாரானார்.

ஆனால் தானும் அவர்களுடன் இருக்க வேண்டும் என சத்தியம் வாங்கி கொண்டார். திருமண ஏற்பாடுகள் அனைத்தையும் முதல் மனைவியே முன்னின்று கவனித்தது செய்துவைத்தார். கணவனையும் காதலியையும் கோவிலுக்கு அழைத்துச் சென்று திருமணம் செய்து வைத்தார். இந்த நிலையில் இந்த திருமணம் முடிந்து 3 பேரும் திடீரென காணாமல் போய்விட்டார்கள்.இவர்களை பேட்டி எடுக்க நிறைய பத்திரிகையாளர்கள் தேடியிருக்கிறார்கள்.

ஆனால், எங்கே போனார்கள் என்பது சஸ்பென்ஸ் ஆக இருந்தது தற்போது, நேற்று முன்தினம் கல்யாண் வீட்டை விட்டே ஓடிவிட்டார் என்ற தகவல் வெளியானது. இரண்டு மனைவிகளின் தொந்தரவு தாங்க முடியாமல், கல்யாண் தலைமறைவாகிவிட்டதாக கூறப்பட்டது. இதற்கு காரணமும் தற்போது வெளியாகி உள்ளது. முதல் மனைவி விமலா ஏற்கனவே வேறு ஒருவருடன் திருமணம் ஆனவராம். 2 குழந்தைகளும் இருக்கிறார்கள்.

இது அந்த ஊர் பஞ்சாயத்து உட்பட அனைவருக்குமே தெரியும் என்கிறார்கள். ஊர் பஞ்சாயத்துக்கு கட்டப்பட்டுத்தான், விமலா, தன்னுடைய கணவருக்கு 2வது திருமணத்தையே செய்து வைத்துள்ளார். இப்போது விஷயம் என்னவென்றால் 3 பேரும் ஒரே வீட்டில் ஒன்றாக இருக்க வேண்டும் என்று கல்யாணிடம் சத்தியம் வாங்கியிருந்த நிலையில், சிக்கலே அந்த சத்தியத்தில்தான் வந்துள்ளது.

நித்யஸ்ரீ வீட்டிற்கு வந்த சில நாட்களில் அவருக்கும் விமலாவுக்கும் தகராறு ஏற்பட்டுள்ளது. பிரச்சனையை ஆரம்பித்ததே நித்யஸ்ரீதானாம். விமலாவை அவரது முதல் கணவனுடன் அனுப்பி வையுங்கள் என்று கல்யாணை இவர் நச்சரித்துள்ளார். இந்த சண்டை பெரிதாக கல்யாண் வீட்டிலிருந்து தப்பியுள்ளார். இரண்டு மனைவிகளும் தற்போது கல்யாணை தேடி வருவதாக தகவல் வெளியாகியுள்ளது.