லங்காசிறி FM
குழந்தையுடன் ட்ரக்கை திருடிச் சென்ற நபர்... இளம்பெண்ணும் நண்பர்களும் துணிச்சலாக எடுத்த நடவடிக்கை: திரைப்படத்தை மிஞ்சிய ஒரு சம்பவம்
கனடாவில் திடீரென ஒருவர் ட்ரக் ஒன்றை திருடிச் சென்ற நிலையில், இளம்பெண் ஒருவரும் அவரது நண்பர்களும் துணிச்சலாக அந்த நபரைத் துரத்திச் சென்று குழந்தையை மீட்க உதவியுள்ளார்கள்.
திரைப்படத்தை மிஞ்சும் வகையில் அமைந்த அந்த சம்பவம் பின்வருமாறு...
ஆல்பர்ட்டா மாகாணத்தில், நீண்ட தூரம் பயணித்துக்கொண்டிருந்த ஒரு குடும்பம், கால்கரிக்கு 50 கிலோமீற்றர் தொலைவில் அமைந்துள்ள Strathmore என்ற இடத்தில் அமைந்திருந்த ஒரு ஹொட்டலில் வாகனத்தை நிறுத்தியுள்ளது.
அந்த ட்ரக்கில் இருந்தவர்கள் இறங்கி, தங்களை சற்று ஆசுவாசப்படுத்திக்கொள்ள, முகத்தை மறைத்திருந்த ஒரு நபர் சட்டென அந்த ட்ரக்கில் ஏறி அதை கிளப்பிக்கொண்டு போயிருக்கிறார். அந்தக் காரின் பின் சீட்டில் அவர்களுடைய கைக்குழந்தை இருந்திருக்கிறது.
அப்போது அதே ஹொட்டலுக்கு மற்றொரு கார் வந்திருக்கிறது. அதில், Tess Little Chief என்ற இளம்பெண், Kyle Royal, Lincoln Rodh மற்றும் அவர்களுடைய மற்றொரு நண்பர் ஆகிய நான்கு பேர் இருந்திருக்கிறார்கள். அவர்களது கார் கண்ணாடியைத் தட்டி தங்கள் குழந்தையுடன் ட்ரக்கை யாரோ திருடிச் செல்வதாகக் கூறி குழந்தையின் பெற்றோர் உதவி கோர, உடனே காரைக் கிளப்பியிருக்கிறார் Tess.
குழந்தை இருந்த கார் வேகமாக பறக்க, அதைப் பின் தொடர்ந்து Tessஇன் கார் பறக்க, கார் செல்லும்போதே நண்பர்கள் பொலிசாருக்கு தகவல் கொடுத்திருக்கிறார்கள். மொபைலை இயக்கத்திலேயே வைத்துக்கொண்டு ட்ரக்கை அவர்கள் துரத்த, சரியாக அவர்களது வழிகாட்டுதலின் பேரில் பொலிசார் வந்து சேர, பொலிசாரை துரத்த விட்டு விட்டு பின்னால் சென்றிருக்கிறார்கள் Tessம் நண்பர்களும். ஒரு கட்டத்தில் ட்ரக்கில் இருந்த நபர் பின் இருக்கையில் குழந்தை ஒன்று இருப்பதைக் கவனித்துள்ளார்.
Photo Credit: Tess Little Chief
உடனே சாலையோரமாக ட்ரக்கை நிறுத்தி குழந்தையை சாலையோரம் இறக்கி வைத்துவிட்டு மீண்டும் ட்ரக் பறந்திருக்கிறது. பொலிசார் சிலர் தங்கள் காரை நிறுத்தி குழந்தையை தூக்கியெடுத்து வைத்துக்கொண்டு அதன் பெற்றோருக்கு தகவலளிக்க, அவர்கள் வந்து சேர, குழந்தை பத்திரமாக அதன் பெற்றோரிடம் ஒப்படைக்கப்பட்டுள்ளது.
இதற்கிடையில் ட்ரக்கை ஹெலிகொப்டர் உதவியுடன் தொடர்ந்து பொலிசார் துரத்த, ஓரிடத்தில் ஒரு கதவு குறுக்கிட, ட்ரக்கை நிறுத்திய அந்த நபர், ட்ரக்கிலிருந்து இறங்கி கால்நடையாக ஓட்டம் பிடிக்க, துரத்திச் சென்ற பொலிசார் வகையாக அவரை மடக்கிப் பிடித்துவிட்டார்கள்.
அவர் மீது குழந்தையைக் கடத்தியது, வாகனத்தைத் திருட முயன்றது, பொலிசாரிடமிருந்து தப்பியோடியது முதலான குற்றச்சாட்டுகள் பதிவு செய்யப்பட்டுள்ளன. இதற்கிடையில், குழந்தையைக் காப்பாற்றியதுடன், குற்றவாளியைப் பிடிக்க உதவிய Tess மற்றும் நண்பர்களை பொலிசார் பெரிதும் பாராட்டியுள்ளார்கள்.
பொதுவாக திருடப்பட்ட வாகனங்களை பொதுமக்கள் துரத்திச் செல்வதற்கு ஆதரவாக பொலிசார் ஆலோசனை அளிப்பதில்லை என்றாலும், இந்த விடயத்தில் ஒரு குழந்தை சம்பந்தப்பட்டிருப்பதால் Tess மற்றும் நண்பர்களுக்கு அவர்கள் தஙக்ள் நன்றியைத் தெரிவித்துக்கொண்டுள்ளார்கள்.
அனலைதீவு 2ம் வட்டாரம், யாழ்ப்பாணம், Kamen, Germany, Stouffville, Canada
24 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
யாழ் நவாலி தெற்கு, Jaffna, பரிஸ், France, மெல்போன், Australia
21 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
தொண்டைமானாறு, காங்கேசன்துறை, London, United Kingdom
23 Nov, 2024
தெல்லிப்பழை, கொல்லன்கலட்டி, Stryn, Norway, Tromso, Norway
10 Dec, 2020
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கல்வியங்காடு, Wembley, United Kingdom, King's Lynn, United Kingdom
22 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
