வெறும் 10 வருடங்களில்... முகேஷ் அம்பானியை விடவும் பெரும் சாம்ராஜ்யத்தை உருவாக்கிய நபர்

சீனாவில் ஒருவர் முகேஷ் அம்பானியின் ரிலையன்ஸை விடப் பெரிய நிறுவனத்தை உருவாக்கி 42 வயதில் உலகின் மிகப் பெரிய பணக்காரர்களில் ஒருவராக மாறியுள்ளார்.

மைக்ரோசாப்ட் உட்பட

இவரது இந்த சாதனை அனைத்தும் வெறும் 10 வருடங்களில் நிகழ்ந்துள்ளது என்பதே வியக்க வைக்கிறது. சர்வதேச அளவில் பிரபலமான TikTok செயலியை உருவாக்கியுள்ள ByteDance என்ற நிறுவனத்தின் நிறுவனர்களில் முதன்மையானவர் Zhang Yiming.

இன்று ByteDance நிறுவனத்தின் சந்தை மதிப்பு 330 பில்லியன் டொலர். இந்தியாவின் மிகப்பெரிய பணக்காரரான முகேஷ் அம்பானியின் ரிலையன்ஸ் இண்டஸ்ட்ரீஸ் நிறுவனத்தின் சந்தை மதிப்பு 245 பில்லியன் டொலர்.

சீனாவின் புஜியன் மாகாணத்தில் பிறந்த யிமிங், நான்கை பல்கலைக்கழகத்தில் மென்பொருள் பொறியியலில் பட்டம் பெற்றவர். அவர் தனது முதல் நிறுவனத்தை நிறுவுவதற்கு முன்பு மைக்ரோசாப்ட் நிறுவனம் உட்பட பிரபலமான சில நிறுவனங்களில் வேலை செய்துள்ளார்.

இந்த நிலையில், கட்டுமான நிறுவனங்கள் தொடர்பில், குடியிருப்புகள் மற்றும் கட்டுமானங்களில் தேடுபொறியான 99fang என்ற இணைய பக்கத்தை உருவாக்கி செயலுக்கு கொண்டுவந்தார்.

பிரித்தானிய அரச குடும்பத்திற்கு அடுத்த நெருக்கடி... ஆண்ட்ரூ விவகாரத்தை விசாரிக்க FBI மீது அழுத்தம்

அடுத்த முயற்சியாக 2012ல் சீனத் தலைநகர் பெய்ஜிங்கில் ஒரு சிறிய அடுக்குமாடி குடியிருப்பு ஒன்றில் இருந்து ByteDance நிறுவனத்தை தொடங்கினார்.

2016ல் காணொளிகளைப் பகிரும் Douyin என்ற செயலியை சீனாவில் வெளியிட்டார். 2017ல் அதன் சர்வதேச பதிப்பாக TikTok செயலியை வெளியிட்டார்.

அதன் பின்னரே ByteDance நிறுவனத்தின் சந்தை மதிப்பு உயரத் தொடங்கியது. அத்துடன், உலகளவில் 1.5 பில்லியனுக்கும் அதிகமான மாதாந்திர செயலில் உள்ள பயனர்களைக் கொண்ட டிக்டோக் மிகவும் பிரபலமான சமூக ஊடக தளங்களில் ஒன்றாக மாறியது.

இரண்டாவது பெரிய

இதன் காரணமாக, ஃபோர்ப்ஸ் சீனாவின் 30 வயதுக்குட்பட்ட 30 பேர்கள் பட்டியலிலும், பார்ச்சூன் பத்திரிகையின் 40 வயதுக்குட்பட்ட 40 பேர்கள் பட்டியலிலும், டைம் பத்திரிகையின் மிகவும் செல்வாக்கு மிக்க 100 நபர்கள் போன்ற புகழ்பெற்ற வணிகப் பட்டியல்களில் யிமிங் தொடர்ந்து இடம்பெற்றுள்ளார்.

2021ல் ByteDance நிறுவனத்தின் தலைமை நிர்வாக அதிகாரி பொறுப்பில் இருந்து விலகினார். இருப்பினும் குறிப்பிடத்தக்க பங்குகளை தன் வசம் வைத்திருக்கும் யிமிங், தமது நிறுவன நிர்வாகத்தில் 50 சதவீதத்திற்கு மேல் வாக்களிக்கும் உரிமையையும் வைத்துள்ளார்.

சீனாவின் இரண்டாவது பெரிய பணக்காரராக அறியப்படும் யிமிங், தற்போது உலக பணக்காரர்கள் வரிசையிலும் இடம்பெற்றுள்ளார்.

அவரது சொத்து மதிப்பு 65 பில்லியன் அமெரிக்க டொலர் என்றே கூறப்படுகிறது. ஃபோர்ப்ஸ் வெளியிட்டுள்ள தரவுகளின் அடிப்படையில், உலகின் 27வது பணக்காரராக யிமிங் அறியப்படுகிறார்.