பிரித்தானியாவில் ஓட்டுனர்களுக்கு விடுக்கப்பட்ட எச்சரிக்கை! மீறினால் 1,000 பவுண்ட் அபராதம்
பிரித்தானியாவில் மில்லியன் கணக்கான ஓட்டுனர்கள் காலாவதியான உரிமத்துடன் வாகனம் ஓட்டி வருவதால், அவர்கள் அதை புதுபிக்க தவறினால் அபராதம் விதிக்கப்படும் என்று எச்சரிக்கப்பட்டுள்ளது.
பிரித்தானியாவின் Driver and Vehicle Licensing Agency புள்ளிவிவரங்களின் படி சுமார் 2 மில்லியன் ஓட்டுனர்கள் உரிமத்தின் புகைப்பட அட்டைகள் காலாவதியாகவிட்டன.
அப்படி காலாவதியான ஓட்டுனர் உரிமத்துடன் வாகனம் ஓட்டுவது கண்டுபிடிக்கப்பட்டால், பொலிசாரால் நிறுத்தப்பட்டால் அவர்களுக்கு 1000 பவுண்ட் அபராதம் விதிக்கப்படும் என்று எச்சரிக்கப்படுகிறது.
நுகர்வோர் நிபுணர்(Consumer expert ) மார்ட்டின் லூயிஸ், காலாவதியான ஆவணங்களின் நீட்டிப்பு முடிவுக்கு வருவதால், ஓட்டுநர்கள் தங்கள் உரிமங்களை சரிபார்க்குமாறு கேட்டுக்கொள்ளப்படுகிறார்கள்.
இந்த வாரத்தின் MoneySavingExpert செய்தி கடிதத்தில், வாகன ஓட்டிகளுக்கு ஒரு எச்சரிக்கை செய்தியாக, £ 1,000 அபராதம் விதிக்கப்படலாம் என்று கூறப்பட்டுள்ளது.
கடந்த ஆண்டு தொற்றுநோய் உச்சத்தில் இருந்த போது, Driver and Vehicle Licensing Agency-யால் ஓட்டுனர் உரிமம் புதுப்பிப்பதற்கான காலம் நீட்டிக்கப்பட்டது.
கடந்த ஆண்டு பிப்ரவரி 1-ஆம் திகதி முதல் டிசம்பர் 31-ஆம் திகதி வரை காலாவதியாகவுள்ள அனைத்து உரிமங்களும் 11 மாதங்களுக்கு நீட்டிக்கப்படும் என்று அதில் கூறப்பட்டிருந்தது.
இதனால், கடந்த ஆண்டின் துவக்கத்தில் புதுப்பிக்கப்பட வேண்டியவை இப்போது புதுப்பிக்கப்பட வேண்டும்.
உதாரணமாக, உங்கள் உரிமம் கடந்த ஆண்டு நவம்பர் மாதம் காலாவதியானால், அதை அக்டோபர் 2021-ஆம் ஆண்டு புதுப்பிக்க வேண்டும்.
இருப்பினும், கடந்த ஆண்டு மே மாதத்தில் காலாவதியானவை இந்த மாதத்தில் புதுப்பிக்கப்பட வேண்டும்.
கடந்த ஆண்டு பிப்ரவரியில் காலாவதியான உரிமங்கள் அவற்றின் புதுப்பித்தலுக்கான திகதியை கடந்துள்ளது.
அதன் படி பார்த்தால், சுமார் 2 மில்லியன் ஓட்டுனர் உரிமங்கள் காலவதியாகியுள்ளன. ஓட்டுனர் உரிமத்தின் புகைப்படத்தை புதுப்பிக்க வேண்டும் என்றால் 14 பவுண்ட் செல்வாகும், அதே சமயம் தபால் மூலம் என்றால் அது 17 பவுண்ட் செலவாகும்.
மேலும், ஓட்டுநர் உரிமத்தில் பிரிவு 4-யில் உங்களுடைய ஓட்டுனர் உரிமம் காலாவதியானதா என்பதை நீங்கள் சரிபார்க்க முடியும்.
அதுமட்டுமின்றி, நீங்கள் சமீபத்தில் உங்கள் பெயரை மாற்றியிருந்தால் அல்லது உங்கள் முகவரி சரியாக இல்லாவிட்டால், நீங்கள் காவல்துறையினரால் நிறுத்தப்பட்டால் பெரும் அபராதம் விதிக்கப்படலாம்.
இந்த பெயர் மற்றும் முகவரி மாற்றங்களை நீங்கள் இலவசமாக ஆன்லைனில் அல்லது தபால் மூலம் செய்யலாம் என்பது குறிப்பிடத்தக்கது.