புதிய மின்சார கார்களை அறிமுகம் செய்ய மாருதி-டொயோட்டா திட்டம்

Toyota Electric Vehicle India Maruti Suzuki

By Ragavan Oct 04, 2026 03:48 PM GMT

Ragavan

in தொழில்நுட்பம்

Report

Maruti and Toyota to launch new Electric Cars: மாருதி மற்றும் டொயோட்டா நிறுவங்கள் புதிய மின்சார கார்களை அறிமுகம் செய்ய திட்டமிட்டுள்ளன.

இந்தியாவின் முன்னணி கார் உற்பத்தியாளர்களான மாருதி சுசூகி மற்றும் டொயோட்டா, மின்சார வாகன (EV) சந்தையில் தங்கள் பங்கினை விரிவுபடுத்தும் திட்டத்தில் தீவிரமாக செயல்படுகின்றன.

Maruti-Toyota-EVs-YMC-to-EWX-Launch

தற்போது, மாருதி சுசூகி eVitara மின்சார SUV-ஐ விற்பனை செய்கிறது. அதே வாகனத்தின் டொயோட்டா பதிப்பு e-Bella ஆகும்.

அடுத்ததாக, மாருதி சுசூகி YMC Electric MPV-ஐ அறிமுகப்படுத்த உள்ளது. இது SUV போன்ற உயரமான வடிவமைப்புடன், Heartect-e skateboard பிளாட்ஃபார்மில் உருவாக்கப்படுகிறது. 49kWh மற்றும் 61.1kWh பேட்டரி விருப்பங்களுடன், 543 கிமீ வரை பயணிக்கும் திறன் கொண்டதாக இருக்கும்.

இந்த MPV, Kia Carens Clavis EV, BYD eMAX7, VinFast VF MPV 7, மற்றும் Mahindra XEV 9S போன்ற வாகனங்களுடன் போட்டியிடும்.

மேலும், மாருதி சுசூகி EWX அடிப்படையிலான மின்சார ஹாட்ச்பேக்-ஐ உருவாக்கி வருகிறது. 2023 ஜப்பான் மோபிலிட்டி ஷோவில் அறிமுகமான EWX கான்செப்ட் அடிப்படையில், 3.4 மீட்டர் நீளமுள்ள சிறிய கார், MG Comet EV-க்கு நேரடி போட்டியாளராக இருக்கும். K-EV பிளாட்ஃபார்மில் உருவாகும் இந்த வாகனம், குறைந்த விலை EV சந்தையை குறிவைக்கும்.

டொயோட்டா, மாருதி YMC MPV-க்கு தனது பதிப்பை வெளியிட உள்ளது. eVitara - eBella போல, YMC-க்கும் டொயோட்டா தனித்துவமான வடிவமைப்பை வழங்கும். அதேபோல், EWX ஹாட்ச்பேக்-க்கும் டொயோட்டா தனது பதிப்பை வெளியிட வாய்ப்பு உள்ளது.

இந்திய EV சந்தையில் இந்த மாருதி-டொயோட்டா கூட்டணி மிகப்பெரிய தாக்கத்தை ஏற்படுத்தும் என எதிர்பார்க்கப்படுகிறது. குறைந்த விலை ஹாட்ச்பேக் முதல், நீண்ட பயண திறன் கொண்ட MPV வரை, பல்வேறு வாகனங்களை அறிமுகப்படுத்துவதன் மூலம், இந்தியாவில் மின்சார வாகனங்களின் பயன்பாடு அதிகரிக்கும்.