லங்காசிறி FM
திரைப்பட வசனம் போல்... நடிகர் விஷாலுக்கு சென்னை மேயரின் பதில்
சென்னையின் பலபகுதிகள் வெள்ளத்தில் மிதக்கும் நிலையில் மழைநீர் சேமிப்பு, வடிகால் திட்டம் என்ன ஆனது என்ற நடிகர் விஷாலின் கேள்விக்கு மேயர் பிரியா ராஜன் பதிலளித்துள்ளார்.
மிக்ஜாம் புயலின் காரணமாக சென்னையில் நேற்று முன்தினம் இரவு முதல் விடிய விடிய மழை பெய்து வந்தது.
இதனால் சென்னையின் பெரும்பாலான பகுதிகள் வெள்ளத்தில் மிதந்தன, தாழ்வான பகுதிகளில் வீடுகளுக்குள் மழைநீர் புகுந்தது, மின்சாரம் துண்டிக்கப்பட்டதுடன் மக்கள் கடும் அவதிக்குள்ளாகினர்.
இந்நிலையில் நடிகர் விஷால் X தளத்தில் வீடியோ ஒன்றை வெளியிட்டு சென்னை மேயர் பிரியா ராஜனுக்கு கேள்வி எழுப்பினார்.
அதில், புயல், மழை என்றாலே மின்சாரம் துண்டிக்கப்படும், தண்ணீர் தேங்க ஆரம்பிக்கும், இது வழக்கமான ஒன்று தான், நான் அண்ணாநகரில் வசித்து வருகிறேன், என் வீட்டுக்குள் தண்ணீர் நுழைந்துவிட்டது.
அண்ணாநகரிலேயே இந்த நிலை என்றால் மற்ற இடங்களை யோசித்து பாருங்கள், 2015ஆம் ஆண்டு நடக்கும்போது எல்லோரும் இறங்கி வேலை செய்தோம். முடிந்த அளவுக்கு பொதுமக்களுக்கு சேவை செய்தோம்.
Dear Ms Priya Rajan (Mayor of Chennai) and to one & all other officers of Greater Chennai Corporation including the Commissioner. Hope you all are safe & sound with your families & water especially drainage water not entering your houses & most importantly hope you have… pic.twitter.com/pqkiaAo6va
— Vishal (@VishalKOfficial) December 4, 2023
8 ஆண்டுகளுக்கு பிறகும் அதைவிட மோசமாக இருப்பது கேள்விக்குறியாக உள்ளது. மழைநீர் சேமிப்பு, வடிகால் தொடர்பான சென்னை மாநகராட்சியின் திட்டம் என்ன ஆனது? என்பது தெரியவில்லை.
இது ஒரு விண்ணப்பம் தான். நான் ஒரு வாக்காளர் என்ற முறையில் இதனை கேட்டுக் கொள்கிறேன்.
சென்னை தொகுதி எம்எல்ஏக்கள் தயவு செய்து வெளியில் வந்து சரிசெய்து கொடுத்தால் நன்றாக இருக்கும். அந்தந்த தொகுதி எம்எல்ஏக்கள் வெளியே வந்து உதவினால் பொதுமக்களுக்கு பாதுகாப்பாகவும் நம்பிக்கையாகவும் இருக்கும்.
என் வீட்டில் இருக்கும் சீனியர் சிட்டிசன்களான எனது அப்பா, அம்மா பயத்தில் உள்ளனர். சின்ன மழைக்கே தண்ணீர் தேங்கும்.
ஆனால், இப்போது எல்லா இடத்திலும் தண்ணீர் தேங்கியிருப்பது தர்மசங்கடமான, கேவலமான ஒரு விஷயமாக பார்க்கிறேன்.
தயவு செய்து உடனடியாக இதனை சரி செய்ய மாநகராட்சி முன்வர வேண்டும். எதற்காக வரி கட்டுகிறோம் என கேட்க வைத்துவிடாதீர்கள். வந்து உதவுங்கள்." என கூறி இருந்தார்.
இதற்கு பதிலளித்துள்ள மேயர் பிரியா ராஜன், அவர்களுக்கு வேண்டிய அனைத்து உதவிகளையும் களத்தில் நின்று அமைச்சர்களும், அரசு அதிகாரிகளும், மாநகராட்சி ஊழியர்களும் செய்து வருகிறார்கள்.
அரசியல் செய்ய முயலாமல் கோரிக்கை ஏதேனும் இருந்தால் தெரிவிக்கவும். அரசு நிறைவேற்றித் தரும்!
2015 அம்மையார் ஜெயலலிதா ஆட்சியில் ஏற்பட்ட பெருவெள்ளத்தை விட மோசமான நிலை இப்போது ஏற்பட்டிருப்பது போல நடிகர் விஷால் சொல்லியிருக்கிறார். திரைப்பட வசனம் போல பேசிவிட்டு கைத்தட்டல் வாங்க முயற்சிக்கும் விஷயம் இல்லை இந்த பேரிடர்! என தெரிவித்துள்ளார்.
அனலைதீவு 2ம் வட்டாரம், யாழ்ப்பாணம், Kamen, Germany, Stouffville, Canada
24 Nov, 2024
தொண்டைமானாறு, காங்கேசன்துறை, London, United Kingdom
23 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
யாழ் நவாலி தெற்கு, Jaffna, பரிஸ், France, மெல்போன், Australia
21 Nov, 2024
தெல்லிப்பழை, கொல்லன்கலட்டி, Stryn, Norway, Tromso, Norway
10 Dec, 2020
கல்வியங்காடு, Wembley, United Kingdom, King's Lynn, United Kingdom
22 Nov, 2024
