ரியல் மாட்ரிட் கிளப்புக்காக முதல் வெற்றிக்கோப்பை.! கைலியன் எம்பாப்பே மகிழ்ச்சி

பிரான்சின் நட்சத்திர கால்பந்து வீரர் கைலியன் எம்பாப்பே (Kylian Mbappe) தனது புதிய கிளப்புக்காக முதல் கோப்பையை வென்றார்.

ரியல் மாட்ரிட் கிளப் (Real Madrid CF) ஜெர்சியை அணிந்த எம்பாப்பே, நீண்ட காத்திருப்புக்கு முற்றுப்புள்ளி வைத்து, அணிக்கு வெற்றியை தேடித்தந்துள்ளார்.

இஸ்ரேல் விரோத பதிவுகளுக்காக பிரெஞ்சு ஒலிம்பிக் வீரர் இடைநீக்கம்

UEFA சூப்பர் கோப்பை 2024-இன் இறுதிப் போட்டியில் ரியல் மாட்ரிட் 2-0 என்ற கோல் கணக்கில் அட்லாண்டாவை தோற்கடித்தது. இதன் மூலம், Mbappe பயங்கர மகிழ்ச்சியில் உள்ளார்.

"இது ஒரு அற்புதமான இரவு. இது எனக்கு ஒரு சிறந்த தருணம். எல்லாவற்றிற்கும் மேலாக, ரியல் மாட்ரிட் சார்பாக நாங்கள் பட்டத்தை வென்றோம். நான் மிகவும் மகிழ்ச்சியாக இருக்கிறேன்.

போட்டியில் நான் ஒரு கோல் அடித்தது இன்னும் திருப்தியாக இருந்தது. என்னைப் போன்ற ஒரு ஸ்ட்ரைக்கருக்கு இது மிகவும் முக்கியமானது. எப்படியிருந்தாலும், இந்த அணியுடன் விளையாடுவது மிகவும் நல்லது. நாங்கள் உண்மையான மாட்ரிட் வீரர்கள். எங்களுக்கு எந்த எல்லையும் இல்லை.

நான் 50 கோல்கள் அடித்தாலும் சரி. இறுதியில், வெற்றிதான் எங்களுக்கு முக்கியம். ஒரு அணியாக மேலும் உருவாக வேண்டியது மிகவும் முக்கியம். ஏனெனில் ஒரு அணியாக நாங்கள் வெற்றி பெற்றிருப்போம்" என்று எம்பாபே கூறினார்.

ICC ODI Rankings: டாப்-5ல் 4 இந்திய பேட்ஸ்மேன்கள்., 2-ஆம் இடத்தில் ரோகித் ஷர்மா!

எம்பாப்பே, 2007 இல் மொனாக்கோ கிளப்பில் இருந்து பாரிஸ் செயின்ட் ஜெர்மனில் சேர்ந்தார். அப்போதிருந்து, அவர் ஏழு ஆண்டுகளாக கிளப்பிற்காக விளையாடியுள்ளார்.

பி.எஸ்.ஜிக்காக 306 போட்டிகளில், எம்பாப்பே 255 கோல்களை அடித்தார் மற்றும் அவரது அணி வீரர்களுக்கு 108 கோல்களை அடிக்க உதவினார். புதிய சீசனுக்கு முன்பு, Mbappe PSG உடனான தனது ஏழு ஆண்டு கால உறவுக்கு பை-பை கூறினார்.

இரண்டு ஆண்டுகளுக்கு முன்பு, கத்தாரில் நடந்த உலகக் கோப்பையில் எம்பாப்பே சாதனை படைத்தார். அர்ஜென்டினாவுக்கு எதிரான இறுதிப் போட்டியில், எம்பாப்பே ஹாட்ரிக் கோல்களை அடித்து அணியை அதிர வைத்தார்.

ஆனால், எதிர்பாராத விதமாக பிரான்ஸ் ஷூட் அவுட்டில் 2-4 என்ற கோல் கணக்கில் தோல்வியடைந்தது. எம்பாப்பேவால் உலகக் கோப்பையை அணிக்கு வழங்க முடியவில்லை. அவர் அதிகபட்சமாக 8 கோல்களை அடித்தார் மற்றும் 'கோல்டன் பூட்' விருதைப் பெற்றார்.

யூனிவர்சல் 4G, 5G Sim-ஐ அறிமுகம் செய்யும் BSNL., மொபைல் எண்ணை நீங்களே தேர்ந்தெடுக்கலாம்!