லங்காசிறி FM
இளவரசர் ஹரியை திருமணம் செய்யும் முன் மேகனுடன் கிசுகிசுக்கப்பட்ட பிரபலம்: ஒரு சோக செய்தி
Balamanuvelan
in ஐக்கிய இராச்சியம்
பிரித்தானிய இளவரசர் ஹரியானாலும் சரி, அவரது மனைவியான மேகனானாலும் சரி, அவர்கள் வாழ்வில் இதற்கு முன் பல காதல்கள் இருந்ததை பலரும் அறிவார்கள்.
மேகனோ, ஏற்கனவே திருமணம் ஆகி விவாகரத்தும் செய்தவர். அவர் ஹரியை திருமணம் செய்யும் முன் வேறு பல ஆண்களுடன் சேர்த்து கிசுகிசுக்கப்பட்டவர் என்பதும் உலகம் அறிந்த செய்தி.
அவ்வகையில், மேகன் காதலிப்பதாக கிசுகிசுக்கப்பட்ட ஒருவர், தனது மனைவியை விவாகரத்து செய்ய முடிவு செய்துள்ளதாக நேற்று தகவல் வெளியாகியுள்ளது.
மேகனுடைய முதல் கணவர்
மேகனுடைய வாழ்க்கையைப் பார்த்தால், அவர் திட்டமிட்டே பல விடயங்களை செய்ததுபோன்றதொரு காட்சி துல்லியமாகத் தெரியும். தனக்கு லாபம் இருக்கிறதா, தனக்கு புகழ் கிடைக்குமா என்பதை திட்டமிட்டே அவர் செய்யும் ஒவ்வொரு விடயமும் இருப்பதைக் காணலாம்.
திரைத்துறையில் புகழ்பெறவேண்டும் என்ற கட்டுக்கடங்காத ஆசை இருந்தும் சின்னச் சின்ன வேடங்கள் மட்டுமே கிடைத்தன மேகனுக்கு. அந்த காலகட்டத்தில் திரைப்பட தயாரிப்பாளரான ட்ரெவர் எங்கெல்சன் என்பவரை காதலித்தார் மேகன். ஏழு ஆண்டுகள் காதலித்து, 2011ஆம் ஆண்டு இருவரும் திருமணம் செய்துகொண்ட நிலையில், அந்த திருமணம் இரண்டு ஆண்டுகள் மட்டுமே நீடித்தது. 2014ஆம் ஆண்டு இருவரும் முறைப்படி விவாகரத்து செய்து பிரிந்தார்கள். மேகனுடைய திரைத்துறை வாழ்வில் ட்ரெவருக்கும் பங்கு உண்டு என்பதை மறுக்கமுடியாது.
Image: @McIlroyRory/Twitter
காதல்கள்
அதன் பிறகு மேகனுடைய வாழ்வில் வந்தவர்... இளவரசர் ஹரி அல்ல! மற்றொரு நபரை மேகன் காதலிப்பதாகவும், இருவரும் திருமணம் செய்துகொள்ளப்போவதாகவும் பெருமளவில் கிசுகிசுக்கள் பரவின. அந்த நபருடைய பெயர், ரோரி (Rory McIlroy). ரோரி ஒரு கோல்ப் விளையாட்டு பிரபலம்.
Image: Vimeo
இருவரும் சேர்ந்து சுற்றும் காட்சிகள் வேகமாக பரவி வந்த நிலையில், பிரபல கனேடிய செஃப் ஆன Cory Vitiello என்பவரை மேகன் காதலிப்பதாக தகவல் வெளியானது. திருமணம் செய்துகொள்ளாமலே இருவரும் சேர்ந்து வாழ்ந்துவந்தார்கள். அந்த உறவும் இரண்டு ஆண்டுகளில் முடிவடைய 2016ஆம் ஆண்டு இருவரும் பிரிந்தார்கள்.
அதற்குப் பிறகுதான் ஒரு நண்பர் மூலம் ஹரியை சந்தித்தார் மேகன். பிறகு அவரது வாழ்க்கையே மாறிப்போனதை உலகமே அறியும், அவரது வாழ்க்கை மட்டுமல்ல, ஹரியின் வாழ்க்கையும், ஏன் ராஜ குடும்பமே மாறிப்போனது எனலாம்.
Image: Getty Images
ஒரு சோக செய்தி
சரி விடயத்துக்கு வருவோம். மேகனுடன் கிசுகிசுக்கப்பட்ட ரோரி, பின்னர் Erica Stoll என்னும் பெண்ணைத் திருமணம் செய்துகொண்டார். தம்பதியருக்கு பாப்பி என்னும் ஒரு மகள் இருக்கிறாள்.
விடயம் என்னவென்றால், ரோரியும் அவரது மனைவி எரிக்காவும் ஏழு ஆண்டுகள் இணைந்துவாழ்ந்த பின், விவாகரத்து செய்ய இருப்பதாக நேற்று தகவல் வெளியாகியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
பருத்தித்துறை, யாழ்ப்பாணம், கொழும்பு, Montreal, Canada, Saint-Eustache, Canada
14 Nov, 2025
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
