கமலா ஹரிஸ் மூலம் அமெரிக்க அரசியலில் கால் பதிக்கும் இளவரசர் ஹரியின் மனைவி மேகன்?
பொதுவாக பிரித்தானிய ராஜ குடும்பத்தினர் அரசியலில் தலையிடுவதில்லை. ஆனால், இளவரசர் ஹரியின் மனைவியாகிய மேகன் மெர்க்கலோ, ஆரம்பம் முதலே அரசியல் கருத்துக்களை வெளிப்படையாக கூறுபவராகவே இருந்துவந்துள்ளார்.
இந்நிலையில், அமெரிக்காவில் ஜனாதிபதி பதவிக்கு போட்டியிடும் கமலா ஹரிஸ் மூலம், மேகன், அமெரிக்க அரசியலில் கால் பதிக்க முயற்சி செய்துவருவதாக செய்திகள் வெளியாகிவருகின்றன.
அரசியலில் கால் பதிக்க முயற்சி
ராஜ குடும்ப நிபுணரான Kinsey Schofield என்பவர், 2020ஆம் ஆண்டு அமெரிக்க ஜனாதிபதி தேர்தலின்போது, மேகன், கமலா ஹரிஸுக்கு ஆதரவாக செயல்பட்டதைக் கண்டோம்.
இப்போதும், கமலா ஹரிஸ் மூலமாக, மேகன் அரசியலில் கால் பதிக்க அவருக்கு ஒரு நல்ல வாய்ப்பு கிடைத்துள்ளது என்கிறார்.
2020ஆம் ஆண்டு பிரித்தானிய ராஜ குடும்பத்திலிருந்து வெளியேறி, அமெரிக்காவின் கலிபோர்னியாவில் குடியமர்ந்தபோதே, மேகன் அமெரிக்க அரசியலில் குதிக்கலாம் என வதந்திகள் உருவாகின.
ஆப்பிரிக்க அமெரிக்க தாய்க்கும் வெள்ளையின தந்தைக்கும் பிறந்த மேகன், கமலா ஹரிஸ் துணை ஜனாதிபதியாகும் முன்னரே அவரது ஆப்பிரிக்க வம்சாவளி ஜமைக்கா பின்னணி மற்றும் இந்தியப் பின்னணியை புகழ்ந்தவர் ஆவார்.
ஆக, இப்போதும், அமெரிக்க ஜனாதிபதி பதவிக்கு போட்டியிடும் கமலா ஹரிஸ் மூலமாக மேகன் அமெரிக்க அரசியலில் கால் பதிக்கலாம் என்னும் கருத்து வலுவடைந்து வருகின்றது.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |