லங்காசிறி FM
தனது கையெப்பமிட்ட ஜெர்சியை இந்தியாவுக்கு அனுப்பிய மெஸ்ஸி! யாருக்கு தெரியுமா?
பிசிசிஐ செயலாளர் ஜெய் ஷாவுக்கு லியோனல் மெஸ்சி கையெழுத்திட்ட ஜெர்சியை அனுப்பியுள்ளார்.
லியோனல் மெஸ்ஸி, காலத்தின் தலைசிறந்த கால்பந்தாட்ட வீரராக, உலகக்கோப்பை இறுதிப் போட்டியில் பிரான்ஸை பெனால்டி ஷூட்அவுட்டில் வீழ்த்தி, அர்ஜென்டினாக்கு FIFA உலகக் கோப்பை பட்டத்தை வென்று கொடுத்து, கால்பந்து விளையாட்டு உலகை தனது சொந்தமாக்கிக் கொண்டார்.
மெஸ்ஸி மற்றும் அர்ஜென்டினாவின் வெற்றிக்குப் பிறகு, அர்ஜென்டினாவில் மட்டுமல்ல, உலகின் அனைத்து மூலைகளிலும் கொண்டாட்டங்கள் வெடித்தன. இந்தியாவில் கூட, அர்ஜென்டினாவின் மூன்றாவது உலகக் கோப்பை வெற்றியை ஆடம்பரமான முறையில் மக்கள் கொண்டாடினர்.
பிசிசிஐ செயலாளர் ஜெய் ஷா
மெஸ்ஸிக்கு இந்தியாவில் அதிக ரசிகர்கள் இருப்பதை மறுப்பதற்கில்லை என்றாலும், 7 முறை பலோன் டி'ஓர் வென்ற மெஸ்ஸி, இந்திய கிரிக்கெட் கட்டுப்பாட்டு வாரியத்தின் (பிசிசிஐ) செயலாளர் ஜெய் ஷாவுக்கு தனது கையொப்பமிடப்பட்ட ஜெர்சியை அனுப்பியுள்ளார்.
இந்திய கிரிக்கெட் வீரர்கள் சங்கப் பிரதிநிதியாக இருக்கும் பிரக்யான் ஓஜா , கையெழுத்திட்ட மெஸ்ஸி ஜெர்சியை வைத்திருக்கும் போது ஜெய் ஷாவுடன் இருக்கும் படத்தைப் பகிர்ந்துள்ளார்.
கனவை நிறைவேற்றிக்கொண்ட மெஸ்ஸி
மெஸ்ஸி, தனது வாழ்க்கையில் வேண்டிய அனைத்தையும் கிட்டத்தட்ட வென்றார், அனால் FIFA உலகக் கோப்பையை மட்டும் கையில் வாங்காமலே இருந்தார். ஆனால், அது இந்த உலகோப்பையில் நிறைவேறியது.
அவரது 5-வது FIFA உலகக் கோப்பையில், அர்ஜென்டினாவுக்காக அவர் 7 கோல்களை அடித்தார். மெஸ்ஸி போட்டியின் சிறந்த வீரராகவும் தேர்ந்தெடுக்கப்பட்டார் மற்றும் அவரது வாழ்க்கையில் இரண்டாவது முறையாக கோல்டன் பால் வழங்கப்பட்டது.
AP
இறுதிப் போட்டியின் இரவில் மெஸ்ஸி கம்பீரமாக இருந்தார், அர்ஜென்டினாவுக்காக இரண்டு முறை கோல் அடித்தார், பின்னர் கைலியன் எம்பாப்பேவின் ஹாட்ரிக் ஆட்டத்தை கூடுதல் நேரத்தைத் தாண்டியதால், ஷூட்அவுட்டில் அவரது பெனால்டியையும் கோலாக மாற்றினார்.
உரும்பிராய் கிழக்கு, யாழ் கோண்டாவில் கிழக்கு, Jaffna, Scarborough, Canada, Boston, United States
14 Jan, 2025
