லங்காசிறி FM
நிறுவனத்தில் சேர்ந்தாலே 864 கோடி ரூபாய் போனஸ்; ChatGPT ஊழியர்களை அழைக்கும் மெட்டா
தொழில்நுட்ப நிறுவனங்கள் தங்களது AI தயாரிப்புகளை மேம்படுத்துவதில் தீவிரம் காட்டி வருகின்றன.
மெட்டா நிறுவனம் Meta AI, Google நிறுவனம் Gemini, எக்ஸ் நிறுவனம் Grok என முன்னணி நிறுவனங்கள் தங்களது AI யை அறிமுகப்படுத்தின.
ஆனால், Open AI நிறுவனத்தின் ChatGPT தான் இதில் ஆதிக்கம் செலுத்தி வருகிறது.
100 மில்லியன் டொலர்
இந்நிலையில், மெட்டா நிறுவனம் அதிகளவிலான தொகை கொடுத்து தங்கள் ஊழியர்களை அவர்களின் நிறுவனத்திற்கு சேர்க்க முயற்சிப்பதாக Open AI நிறுவனர் சாம் ஆல்ட்மேன் குற்றஞ்சாட்டியுள்ளார்.
பாட்காஸ்ட் நிகழ்வு ஒன்றில் பேசிய சாம் ஆல்ட்மேன், "மெட்டா நிறுவனர் மார்க் ஜூக்கர்பெர்க் 100 மில்லியன் டொலர்(இந்திய மதிப்பில் ரூ.864 கோடி) கையொப்ப போனஸாக(signing bonus) கொடுத்து, ChatGPTயின் மூத்த அதிகாரிகளை அவர்களின் நிறுவனத்தில் சேர்க்க முயற்சித்து வருகிறார்.
அவ்வளவு பெரிய தொகையினை அவர்கள் வழங்க முன்வந்தாலும், எங்கள் ஊழியர்கள் எங்களுடனே இருக்க விரும்புகிறார்கள். அதற்கு காரணம் எங்களின் பணி கலாச்சாரம்தான்" என தெரிவித்துள்ளார்.
ChatGPT மட்டுமில்லாது, கூகிள் நிறுவனத்தின் Deep mind பிரிவில் பணியாற்றும் ஊழியர்களையும், தங்கள் நிறுவனத்தில் சேர்க்க மெட்டா பேச்சுவார்த்தை நடத்தியதாக தகவல் வெளியாகியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
திருகோணமலை, மூதூர், புதுக்குடியிருப்பு, பருத்தித்துறை, Catford, United Kingdom
13 Jun, 2015