லங்காசிறி FM
வெளிநாடு ஒன்றிற்கு தேனிலவுக்காகச் சென்ற கனேடிய தம்பதியருக்கு நேர்ந்த துயரம்
நீண்ட நாட்கள் காத்திருப்புக்குப் பிறகு கனேடியர் ஒருவர் தனது மனைவியுடன் தேனிலவுக்குச் சென்ற நிலையில், வெளிநாடு ஒன்றில் அவர் கொல்லப்பட்ட விடயம் கடும் சோகத்தை ஏற்படுத்தியுள்ளது.
மெக்சிகோவுக்கு தேனிலவுக்குச் சென்ற தம்பதியர்
தேனிலவுக்காக வெளிநாடு ஒன்றிற்கு செல்லவேண்டும் என நீண்ட நாட்களாக ஆசைப்பட்ட Jesse Ropos (36)ம் அவரது மனைவியான Stacey Roposம் மெக்சிகோவுக்கு சென்றுள்ளார்கள்.
திருமணமாகி எட்டு ஆண்டுகளுக்குப்பின் தேனிலவுக்காக மெக்சிகோ சென்ற தம்பதியர் 10 நாட்கள் மெக்சிகோவில் செலவிட்டபின் வீடு திரும்ப முடிவு செய்துள்ளனர்.
image - Travis Golby/CBC
மனைவிக்கு கிடைத்த அதிர்ச்சியளிக்கும் செய்தி
ஆனால், வீடு திரும்புவதற்கு 12 மணி நேரம் முன்பு அப்படி ஒரு அதிர்ச்சியளிக்கும் செய்தி தனக்குக் கிடைக்கும் என Stacey கனவில் கூட நினைக்கவில்லை.
கணவனும் மனைவியுமாக சிறிது நேரம் மதுபான பாரில் செலவிட்ட நிலையில், Stacey அறைக்குத் திரும்ப, Jesse Ropos பாரிலேயே இருந்திருக்கிறார்.
சற்று நேரத்திற்குப் பின் யாரோ கதவைத் தட்ட, Stacey கதவைத் திறந்தபோது, ஹொட்டல் ஊழியர் ஒருவர் கீழே வரும்படி Staceyயை அழைத்திருக்கிறார்.
image -Stacey Ropos/Facebook
கீழே சென்று பார்த்த Staceyக்கு பெரும் அதிர்ச்சி காத்திருந்திருக்கிறது. அங்கே Jesse Ropos கீழே கிடக்க, பொலிசார் சூழ்ந்திருக்க, அவர் இறந்துவிட்டதாக Staceyக்கு சொல்லப்பட்டிருக்கிறது.
மதுபான பாரில் Jesse Roposக்கும் வேறு சிலருக்கும் சண்டை ஏற்பட்டதாகவும், ஹொட்டல் ஊழியர்கள் இருவர் அவரைத் தடுக்கும்போது அவர் மூச்சுத்திணறி இறந்துவிட்டதாகவும் Staceyக்கு சொல்லப்பட்டிருக்கிறது.
தேனிலவுக்குச் சென்ற இடத்தில் கணவரைப் பறிகொடுத்துவிட்டுக் கதறும் Staceyக்கு பிரச்சினைகள் அத்துடன் முடியவில்லை. கணவருடைய உடலை கனடாவுக்குக் கொண்டு வர பெரும் தொகை தேவைப்பட, பொதுமக்களிடம் உதவி கோரப்பட்டுள்ளது.
இதற்கிடையில், Jesse Ropos கொல்லப்பட்டது தொடர்பாக அவர்கள் தங்கியிருந்த ஹொட்டலில் பணியாற்றும் இருவர் கைது செய்யப்பட்டுள்ளார்கள்.
image - Tommy Turza/GoFundMe
மானிப்பாய், திருநெல்வேலி, யாழ் அச்சுவேலி தோப்பு, Jaffna, India, கொழும்பு, Montreal, Canada
02 Sep, 2024
புங்குடுதீவு, புங்குடுதீவு 10ம் வட்டாரம், யாழ்ப்பாணம், Wembley, United Kingdom
10 Sep, 2023
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023