பெரும் நிதி இழப்பை எதிர்கொண்டுள்ள இளவரசி கேட் மிடில்டன் குடும்பம்: வெளிவரும் புதிய தகவல்
மொத்த வர்த்தகங்களும் சரிவை எதிர்கொண்டு வந்த சூழலில் 18% வளர்ச்சியை பதிவு செய்துள்ளது.
கேட் மிடில்டனின் பெற்றோர் முன்னெடுத்துவரும் வர்த்தகத்தில் பெரும் நிதி இழப்பு
இளவரசர் வில்லியம் மனைவி கேட் மிடில்டனின் பெற்றோர் முன்னெடுத்துவரும் வர்த்தகத்தில் பெரும் நிதி இழப்பை எதிர்கொண்டுள்ளதாக புதிய தகவல் வெளியாகியுள்ளது.
வேல்ஸ் இளவரசி கேட் மிடில்டனின் பெற்றோர் மைக்கேல் மற்றும் கரோல் மிடில்டன் தம்பதி முன்னெடுத்துள்ள வர்த்தகத்தால் பெரும் செல்வத்தை ஈட்டிக்கொண்டுள்ளனர் என்றே கூறப்படுகிறது.
@maxmumby
அவர்களின் விருப்பம் போன்று 4.7 மில்லியன் பவுண்டுகள் மதிப்பிலான பண்ணை வீடு வாங்கவும், தங்கள் பிள்ளைகளுக்கு தகுந்த கல்வி வழங்கவும், இதே வர்த்தகத்தில் இருந்தே அவர்கள் தங்கள் தேவைகளையும் பூர்த்தி செய்துள்ளனர்.
ஆனால் அவர்களின் Party Pieces என்ற நிறுவனம் கடந்த ஓராண்டில் மட்டும் 300,000 பவுண்டுகள் இழப்பை எதிர்கொண்டுள்ளதாக தகவல் வெளியாகியுள்ளது. அதாவது 2021ல் Party Pieces என்ற நிறுவனத்தின் இழப்பு 285,506 பவுண்டுகள் என தெரியவந்துள்ளது.
image: Carole Middleton
மேலும், அந்த நிறுவனத்தின் நிகர பற்றாக்குறை £1.35 மில்லியன் எனவும் தெரியவந்துள்ளது. மட்டுமின்றி, குறித்த நிறுவனத்தில் மிடில்டன் குடும்பத்தினருக்கு சரிபாதி பங்கு மட்டுமே இருப்பதாகவும், எஞ்சிய பகுதி Steven Brentwood மற்றும் Darryl Eales ஆகியோருக்கு சொந்தம் எனவும் கூறப்படுகிறது.
பிரித்தானியாவில் மொத்த வர்த்தகங்களும் சரிவை எதிர்கொண்டு வந்த சூழலில் இவர்களின் நிறுவனம் மட்டும் 18% வளர்ச்சியை பதிவு செய்துள்ளது.
மேலும், அமெரிக்கா, ஐரோப்பிய நாடுகள் மட்டுமின்றி மத்திய கிழக்கு நாடுகளிலும் தங்கள் நிறுவனத்தை நிறுவ திட்டமிட்டும் வருகின்றனர்.