இந்த 7 வங்கிகளில் Minimum Balance விதிகள் மாற்றம்.., NO அபராதம்

சேமிப்புக் கணக்குகளில் சராசரி மாதாந்திர இருப்பை (AMB) பராமரிக்க வேண்டும் என்ற தேவையை நீக்கிய 7 வங்கிகளின் பட்டியலைப் பார்ப்போம்.

என்னென்ன வங்கிகள்?

வங்கிகளில் சேமிப்புக் கணக்கு வைத்திருக்கும் வாடிக்கையாளர்களுக்கு குறைந்தபட்ச இருப்புத் தொகை ஒரு பெரிய பிரச்சனையாகும். இருப்பினும், இப்போது சில வங்கிகள் தங்கள் வாடிக்கையாளர்களுக்கான குறைந்தபட்ச இருப்புத் தொகைப் பிரச்சினையை நீக்கியுள்ளன.

1. Union Bank Of India

யூனியன் பாங்க் ஆஃப் இந்தியா வங்கியின் பொது சேமிப்புக் கணக்கில் குறைந்தபட்ச இருப்புத் தொகையைப் பராமரிக்க வேண்டும் என்ற தேவை செப்டம்பர் காலாண்டிலிருந்து ரத்து செய்யப்பட்டுள்ளது.

2.Bank of Baroda

ஜூலை 1, 2025 முதல், அதன் அனைத்து நிலையான சேமிப்புக் கணக்குகளிலும் குறைந்தபட்ச இருப்பைப் பராமரிக்காததற்கு எந்தக் கட்டணமும் வசூலிக்கப்படாது என்று பாங்க் ஆஃப் பரோடா அறிவித்துள்ளது. இருப்பினும், இந்த விலக்கு பிரீமியம் சேமிப்புத் திட்டங்களுக்குப் பொருந்தாது.

3. Indian Bank

இந்தியன் வங்கி தனது அனைத்து சேமிப்புக் கணக்குகளுக்கும் குறைந்தபட்ச இருப்பு கட்டணத்தை முற்றிலுமாக நீக்கியுள்ளது. இந்த புதிய வசதி ஜூலை 7, 2025 முதல் அமலுக்கு வந்துள்ளது.

4.Canara Bank

கனரா வங்கி மே 2025 ஆம் ஆண்டிலேயே அதன் அனைத்து சேமிப்புக் கணக்குகளும் இப்போது AMB விதிகளிலிருந்து விடுபடும் என்று அறிவித்தது. வாடிக்கையாளர்களின் வசதியைக் கருத்தில் கொண்டு வங்கி இந்த நடவடிக்கையை எடுத்துள்ளது.

5. PNB பஞ்சாப் நேஷனல் வங்கி

அனைத்து சேமிப்புக் கணக்குகளிலும் குறைந்தபட்ச இருப்புத்தொகையை பராமரிக்காததற்கான அபராதத்தையும் ரத்து செய்துள்ளது. முன்னதாக PNB-யில், இருப்பு பற்றாக்குறைக்கு ஏற்ப அபராதம் விதிக்கப்பட்டது.

மாத வருமானம் ரூ.20,000 இருந்தாலும் ரூ.1 கோடி வரை சேமிக்கலாம்.., எப்படி தெரியுமா?

6. SBI

நாட்டின் மிகப்பெரிய வங்கியான SBI, 2020 முதல் அனைத்து சேமிப்புக் கணக்குகளுக்கும் குறைந்தபட்ச இருப்பு விதியை நீக்கியுள்ளது.

7. Bank of India

குறைந்தபட்ச இருப்புக்கு விதிக்கப்பட்ட அபராதத்தை Bank of India ரத்து செய்துள்ளது. இந்த மாற்றங்களின் நோக்கம் சந்தை நிலவரங்களுக்கு ஏற்ப செயல்படுவது, வங்கியின் நிதி நிலையை வலுப்படுத்துவது மற்றும் அனைத்து வகையான வாடிக்கையாளர்களுக்கும் அதிக நன்மைகளை வழங்குவதாகும்.