லங்காசிறி FM
ஜனநாயகன் படம் பார்த்து தேம்பி தேம்பி அழுத அமைச்சர் பர்வேஷ்
முதல்வர் விஜய்யின் ஜனநாயகன் படத்தை திரையரங்கில் பார்த்து அமைச்சர் பர்வேஷ் தேம்பி தேம்பி அழுதுள்ளார்.
முதல்வர் விஜய்யின் ஜனநாயகன்
முதல்வர் விஜய், பூஜா ஹெக்டே, மமிதா பைஜு நடிப்பில், எச்.வினோத் இயக்கத்தில் உருவானது ஜனநாயகன் திரைப்படம்.
விஜய் அரசியலுக்கு வந்துவிட்டதால் இது அவரது கடைசிப்படம் என அறிவிக்கப்பட்ட நிலையில், இந்த படத்திற்கு பலத்த எதிர்பார்ப்பு நிலவியது.
கடந்த ஜனவரி 9 ஆம் திகதி இந்த படத்தை வெளியிட திட்டமிடப்பட்டிருந்த நிலையில், சென்சார் காரணங்களால் பட வெளியீடு ஒத்திவைக்கப்பட்டு, விஜய் முதல்வராக பொறுப்பேற்று 2 மாதங்கள் கழித்து இன்று வெளியாகியுள்ளது.
ரசிகர்கள் மட்டுமின்றி அமைச்சர்கள் பலரும் முதல் நாள் முதல் காட்சியை பார்க்க திரையரங்குகளில் குவிந்தனர்.
சென்னையில் உள்ள ரோகிணி திரையரங்கில் அமைச்சரும், விஜய் ரசிகர் மன்ற தலைவருமான புஸ்ஸி ஆனந்த், அருண்ராஜ், சபாநாயகர் ஜேசிடி பிரபாகர், நடிகை திரிஷாவின் தாயார், நடிகர் அர்ஜூன் தாஸ் படத்தை பார்த்தனர்.
சென்னை குரோம்பேட்டை வெற்றி திரையரங்கில் தயாரிப்பாளர் வெங்கட் நாராயணா, இசையமைப்பாளர் அனிருத், நடிகைகள் மமிதா பைஜு, கீர்த்தி சுரேஷ் ரசிகர்களுடன் ஜனநாயகன் FDFS பார்த்தனர்.
அழுத அமைச்சர் பர்வேஷ்
புதுக்கோட்டையில் உள்ள திரையரங்கில் தொழிலாளர் நலத்துறை அமைச்சர் முகமது பர்வேஷ், ஜனநாயகன் படத்தை பார்த்தார்.
ஜனநாயகன் படத்தின் தொடக்கத்தில், கடந்த 30 வருடங்களாக விஜய் நடித்த படங்களின் தொகுப்பானது ஒளிபரப்பபட்டது.
தனது தலைவனின் கடைசி படத்தை பார்த்த அமைச்சர் பர்வேஷ், திரையரங்கில் தேம்பி தேம்பி கண்ணீர் விட்டு அழுதார்.
அறந்தாங்கி தொகுதியில் போட்டியிட்டு வெற்றி பெற்று அமைச்சரான பர்வேஷ், அதற்கு முன்னர் விஜய் ரசிகர் மன்றத்தில் மாவட்ட மற்றும் மாநில அளவிலான பொறுப்புகளை வகித்தார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023
மானிப்பாய், திருநெல்வேலி, யாழ் அச்சுவேலி தோப்பு, Jaffna, India, கொழும்பு, Montreal, Canada
02 Sep, 2024
புங்குடுதீவு 8ம் வட்டாரம், Büren an der Aare, Switzerland
29 Aug, 2026
