ஒன்றாக மாயமான சகோதரிகள்... 3 வாரங்களுக்குப் பின்னர் தெரிய வந்த அதிர்ச்சி சம்பவம்

பிரித்தானியாவில் மாயமான இரண்டு இரட்டை சகோதரிகளைத் தேடும் பணியில், மூன்று வாரங்களுக்குப் பின்னர் ஒருவரின் உடல் கண்டுபிடிக்கப்பட்டுள்ள சம்பவம் அதிர்ச்சியை ஏற்படுத்தியுள்ளது.

ஒருவரின் சடலம்

குறித்த சகோதரிகள் இருவரும் ஜனவரி 7ம் திகதி இரவு 2.12 மணிக்கு அபெர்டீன் பகுதியில் அமைந்துள்ள விக்டோரியா பாலத்தின் அருகே சந்தைத் தெருவில் கடைசியாக காணப்பட்டுள்ளனர்.

கடும் குளிர்காலம் என்பதால், அவர்களின் பாதுகாப்பு தொடர்பில் எழுந்த அச்சம் காரணமாக மிகப்பெரிய தேடுதல் நடவடிக்கை முன்னெடுக்கப்பட்டது. இந்த நிலையில் தற்போது ஒருவரின் சடலம் அபெர்டீன் படகு கிளப் அருகே பொலிசாரால் மீட்கப்பட்டுள்ளதாகவும் தெரிவித்துள்ளனர்.

வெள்ளிக்கிழமை காலை 07:55 மணியளவில் அபெர்டீனில் உள்ள குயின் எலிசபெத் பாலத்திற்கு அருகிலுள்ள டீ நதியில் ஒரு நபரின் உடல் காணப்பட்டதாக தகவல் தெரிவிக்கப்பட்டது என பொலிஸ் தரப்பில் தெரிவித்துள்ளனர்.

விமானத்தில் கருப்புப் பெட்டி... அதன் பயன், அமைப்பு உட்பட விரிவான விளக்கம்

தற்போது உடல் மீட்கப்பட்டுள்ளது, விசாரணை முன்னெடுக்கப்படுவதாகவும் தெரிவித்துள்ளனர். சம்பவத்தன்று சகோதரிகள் இருவர் மாயமான தகவலை அடுத்து, பொதுமக்களின் உதவி கோரப்பட்டது.

வழக்கத்திற்கு மாறானது

அவர்களுக்கு நெருக்கமான சிலர் குறிப்பிடுகையில், அந்த இரவு நேரம் அவர்கள் தனியாக நகரத்தில் காணபப்டுவது என்பது வழக்கத்திற்கு மாறானது என தெரிவித்திருந்தனர்.

அவர்கள் இருவரும் மாயமாகும் முன்னர் அவர்களிடம் தாயார் பேசியதாகவும், அவர்கள் பேச்சில் எந்த சந்தேகமும் உணரவில்லை என்றே சகோதரர் ஜோசப் தெரிவித்துள்ளார்.

ஹங்கேரியைச் சேர்ந்த இந்த சகோதரிகள் ஆறு ஆண்டுகளுக்கு முன்பு பிரித்தானியாவில் குடியேறி அபெர்டீனில் பணிபுரிந்து வந்துள்ளனர். ஹென்றிற்றா வீட்டிலிருந்து சில நிமிட தூரத்தில் உள்ள கோஸ்டா காபி கிளையில் பணிபுரிந்து வந்துள்ளார்.

எலிசா சமையலில் ஆர்வம் காட்டி வந்துள்ளார். இருவரின் அலைபேசியில் ஒன்றை அவர்கள் தங்கியிருந்த குடியிருப்பில் இருந்து மீட்டுள்ளனர். தற்போது இன்னொருவரின் சடலத்தை தேடும் பணி முடுக்கிவிடப்பட்டுள்ளது.