மண்ணை கவ்விய கமல் கட்சி! சில இடங்களை வென்ற டிடிவி தினகரன் கட்சி... அபார வெற்றி பெற்ற திமுக கூட்டணி
ஊரக உள்ளாட்சி தேர்தலில் ஒன்றிய கவுன்சிலர்கள் பதவிக்கான பெரும்பாலான இடங்களை திமுக கூட்டணியே கைப்பற்றியுள்ளது.
கடந்த ஊரக உள்ளாட்சி தேர்தலுக்கான வாக்குப்பதிவு சமீபத்தில் நடந்து முடிந்த நிலையில் தேர்தலில் பதிவான வாக்குகள் நேற்று முதல் எண்ணப்பட்டன. இதில் பெரும்பாலான இடங்களில் ஆளும் கட்சி திமுக மற்றும் அதன் கூட்டணிகளே வெற்றி பெற்றுள்ளது.
தற்போது உள்ளாட்சி தேர்தல் ஒன்றிய கவுன்சிலருக்கான முடிவுகள் வெளிவந்த வண்ணம் உள்ளது. இதில் திமுக கூட்டணி 1015 ஒன்றிய கவுன்சிலர் பதவிகளை கைப்பற்றியது.
அதிமுக கூட்டணி 201 இடங்களையும், டிடிவி தினகரனின் அமமுக 5 இடங்களையும் கைப்பற்றியது. பாமக 39 இடங்களையும், தேமுதிக 1 இடத்தையும் பிடித்தது. நாம் தமிழர் கட்சி மற்றும் மக்கள் நீதி மய்யம் ஒரு ஒன்றிய கவுன்சிலர் பதவியை கூட பெறவில்லை.
முக்கியமாக மக்கள் நீதி மய்யம் சார்பில் போட்டியிட்ட பெரும்பாலான வேட்பாளர்கள் டெபாசிட் இழந்ததால் அந்த கட்சி படுதோல்வியை சந்தித்துள்ளது.