லங்காசிறி FM
வங்காளதேச டி20யில் சிக்ஸர் மழை! 62 பந்தில் 111 ஓட்டங்கள் நாட்அவுட்..தெறிக்கவிட்ட வீரர்
Sivaraj
in கிரிக்கெட்
BPL தொடர் போட்டியில் முகமது நைம் அதிரடி சதம் விளாசினார்.
ருத்ர தாண்டவம்
வங்காளதேச பிரீமியர் லீக் தொடரின் இன்றையப் போட்டியில் குல்னா டைகர்ஸ் மற்றும் ராங்பூர் ரைடர்ஸ் அணிகள் விளையாடி வருகின்றன.
குல்னா டைகர்ஸ் (Khulna Tigers) அணி முதலில் துடுப்பாடியது. அணித்தலைவர் மெஹிதி ஹஸன் மிராஸ் 21 ஓட்டங்கள் எடுத்து ஆட்டமிழந்தார்.
அடுத்து வந்த அலெக்ஸ் ராஸ் 12 ஓட்டங்களில் வெளியேற, வில் போசிஸ்டோ அதிரடியாக 21 பந்துகளில் 2 சிக்ஸர், 3 பவுண்டரிகளுடன் 36 ஓட்டங்கள் விளாசினார். மறுமுனையில் தொடக்க வீரர் முகமது நைம் (Mohammad Naim) ருத்ர தாண்டவம் ஆடினார்.
55 பந்துகளிலேயே சதம்
சிக்ஸர்களை நாலாபுறமும் பறக்கவிட்ட அவர் 34 பந்துகளில் அரைசதம் அடித்தார். ஆனால் 55 பந்துகளிலேயே சதம் அடித்து மிரட்டினார். அவரது அதகள ஆட்டம் மூலம் குல்னா டைகர்ஸ் 220 ஓட்டங்கள் குவித்தது.
கடைசி வரை களத்தில் நின்ற முகமது நைம் 62 பந்துகளில் 111 ஓட்டங்கள் குவித்தார். இதில் 8 சிக்ஸர், 7 பவுண்டரிகள் அடங்கும்.
மஹிதுல் இஸ்லாம் அன்கோன் 15 பந்துகளில் 1 சிக்ஸர், 3 பவுண்டரிகளுடன் 29 ஓட்டங்கள் எடுத்தார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 12ம் வட்டாரம், புங்குடுதீவு, பேர்ண், Switzerland
12 Nov, 2025
மானிப்பாய், வண்ணார்பண்ணை, யாழ்ப்பாணம், London, United Kingdom
14 Nov, 2025
