கனேடிய நகரமொன்றை உலுக்கிய துப்பாக்கிச் சூடு: ஆயுததாரி உட்பட மூவர் கொலை

மாண்ட்ரீலில் திங்கள்கிழமை நண்பகலில் நடந்த துப்பாக்கிச் சூட்டில், காவல்துறை அதிகாரி மற்றும் துப்பாக்கிதாரி உட்பட மூவர் கொல்லப்பட்ட சம்பவம் கனேடிய நகரம் முழுவதும் அதிர்ச்சியை ஏற்படுத்தியுள்ளது.

நோக்கம் என்ன

கோஷர் (kosher) சந்தைகள் மற்றும் உணவகங்களைக் கொண்ட, யூத மக்கள் சிலர் வசிக்கும் இப்பகுதியில் நடந்த இந்த ரத்தக் களரி சம்பவம் பரவலான பேசுபொருளாக மாறியுள்ளது.

ஆனால், இதன் பின்னணி நோக்கம் என்ன என்பது குறித்தோ, அல்லது இச்சம்பவம் வெறுப்புணர்வு சார்ந்த குற்றமா அல்லது பயங்கரவாதச் செயலா என்பது குறித்தோ கருத்து தெரிவிக்க காவல்துறை மறுத்துவிட்டது.

இதனிடையே, துப்பாக்கிச் சூடு நடத்தியவர் incel சித்தாந்தத்துடன் தொடர்புடையவர் என்று பிரெஞ்சு மொழி ஒலிபரப்பு நிறுவனமான 'ரேடியோ கனடா' தெரிவித்துள்ளது.

அவசரநிலையை அறிவித்த ஜனாதிபதி... போராட்டங்களை ஒடுக்க களமிறக்கப்பட்ட ராணுவம்

இன்செல் என்பது விருப்பமின்றி பிரம்மச்சரியம் கடைப்பிடிப்பவர்களை குறிப்பதாகும், இது, பெண் துணையைக் கண்டுபிடிக்க இயலாததால் தீவிரவாதத்திற்குத் தள்ளப்படும் எதிர்பாலின ஆண்களுடன் தொடர்புடையது.

திங்கள்கிழமை நடந்த சம்பவம் ஒரு துயரம், ஒரு கெட்ட கனவு என்று மாண்ட்ரீல் காவல்துறைத் தலைவர் ஃபாடி டாகர் கூறியுள்ளார். பட்டப்பகலில் துப்பாக்கிச் சூடு வன்முறை என்பது, எல்லைக்கு அப்பால் உள்ள அமெரிக்காவில் நிகழ்வதைப் போல கனடாவில் அவ்வளவு சாதாரணமாக நிகழ்வதில்லை என்றாலும், இது முற்றிலும் நடக்காத ஒன்றல்ல.

ஆனால், மாண்ட்ரியலில் இது போன்ற துப்பாக்கிச் சூடு சம்பவம் அரிதானது என்றே கூறுகின்றனர். மாண்ட்ரியலின் கோட்-டே-நெய்ஜஸ் (Cote-des-Neiges) பகுதியில் துப்பாக்கிச் சூடு நடைபெறுவது குறித்து பகல் சுமார் 11:30 மணியளவில் காவல்துறைக்குத் தகவல் கிடைத்ததாக டாகர் தெரிவித்துள்ளார்.

I’m horrified to learn that a police officer and a civilian have been killed and others injured in a shooting in Montréal today.

My thoughts are with the victims, their loved ones, the first responders, and the entire community of Côte‑des‑Neiges. My gratitude is with our…

— Mark Carney (@MarkJCarney) June 22, 2026

சம்பவயிடத்திற்கு விரைந்த பொலிசார், தாக்குதாரியை எதிர்கொண்டதாகவும், ஆனால் பொதுமக்களில் ஒருவர், ஒரு பொலிஸ் அதிகாரி மற்றும் துப்பாக்கிச் சூடு நடத்தியவர் என மூவர் கொல்லப்பட்டுள்ளதை டாகர் உறுதி செய்துள்ளார்.

அத்துடன், மற்றொரு பெண் அதிகாரி பலத்த காயமடைந்தார், ஆனால் அவரது உயிருக்கு ஆபத்து இல்லை என்றும் டாகர் குறிப்பிட்டுள்ளார். துப்பாக்கிதாரி ராணுவ பாணியிலான உடையை அணிந்திருந்ததாகத் தோன்றியதை அவர் உறுதிப்படுத்தினார்.

குற்றச் சம்பவங்கள்

இதனிடையே, கனடாவில் யூதர்களுக்கு எதிரான வன்முறையின் மற்றொரு சம்பவமாக இது இருக்கலாம் என இணையத்தில் சிலர் பதிவிடத்தொடங்கினர்.

மூன்றாண்டுகளுக்கு முன்னர் அக்டோபர் 7 அன்று ஹமாஸ் நடத்திய தாக்குதல்களை அடுத்து, அமெரிக்கா உள்ளிட்ட நாடுகளின் ஆதரவுடன் இஸ்ரேல் காஸாவில் மிகக் கொடூரமான ராணுவ நடவடிக்கையைத் தொடங்கியதிலிருந்து, யூதர்களைக் குறிவைக்கும் குற்றச் சம்பவங்கள் கனடாவில் பெருமளவில் அதிகரித்துள்ளது.

Je suis profondément bouleversée par les événements tragiques survenus aujourd'hui dans le secteur de Côte-des-Neiges.

Mes pensées accompagnent les proches des personnes décédées, les personnes blessées, le corps policier ainsi que l'ensemble de ceux et celles qui sont touchés…

— Christine Fréchette (@CFrechette) June 22, 2026

ஆனால், மாண்ட்ரீலில் நடந்த துப்பாக்கிச் சூடு தொடர்பில் விசாரணை முன்னெடுக்கப்பட்டு வருவதாகவும், இதுவரை இதன் பின்னணி தொடர்பில் உறுதி செய்யப்படவில்லை எனவும் டாகர் தெரிவித்துள்ளார்.

இந்த நிலையில், நடந்த சம்பவங்கள் குறித்து மக்கள் யூகங்களைத் தவிர்க்குமாறு கேட்டுக்கொண்ட கியூபெக் மாகாண முதல்வர் கிறிஸ்டின் ஃப்ரெச்செட், அந்தத் துயரச் சம்பவங்களால் தான் மிகுந்த அதிர்ச்சிக்குள்ளானதாகவும் தெரிவித்துள்ளார்.