FIFA உலகக்கோப்பை 2022: வெற்றி அல்ல வரலாறு., சரித்திரம் படைக்க காத்திருக்கும் மொராக்கோ!

Qatar FIFA World Cup FIFA World Cup Qatar 2022 Croatia Morocco

By Ragavan Dec 17, 2022 01:14 PM GMT

Ragavan

in கால்பந்து

Report

கத்தார் 2022 FIFA உலகக் கோப்பையில் 3-வது இடத்திற்கான பிளேஆஃப் போட்டியில் குரோஷியாவை வீழ்த்தினால் மொராக்கோ அணி சரித்திரம் படைக்கும்.

2022 ஃபிஃபா உலகக் கோப்பையில் மொராக்கோவின் கனவு ஓட்டம் அரையிறுதியில் நடப்பு சாம்பியனான பிரான்சிடம் 2-0 என்ற கோல் கணக்கில் தோல்வியடைந்தது.

உலகக்கோப்பை போட்டியில் மிகவும் ஈர்க்கக்கூடிய அணிகளில் ஒன்றாக இருந்த மொராக்கோ அணி அரையிறுதிக்கு முன்னேறியதன் மூலம், அவ்வாறு செய்த முதல் ஆப்பிரிக்க நாடு என்ற வரலாற்றைப் படைத்தது.

இதில் கவனிக்க வேண்டிய விடயம் என்னவென்றால், ஃபிஃபா உலகக் கோப்பை வரலாற்றில் ஐரோப்பா மற்றும் தென் அமெரிக்காவுக்கு வெளியே எந்த அணியும் 3வது இடத்தை, ஏன் நான்காவது இடத்தை கூட பிடித்ததில்லை.

FIFA உலகக்கோப்பை 2022: வெற்றி அல்ல வரலாறு., சரித்திரம் படைக்க காத்திருக்கும் மொராக்கோ! | Morocco To Make History Fifa World Cup 2022 Getty Images

இரண்டாவது அரையிறுதியில் அர்ஜென்டினாவிடம் தோல்வியுற்ற குரோஷியா அணியை மொராக்கோ இப்போது எதிர்கொள்கிறது. இரு அணிகளும் மூன்றாம் இடத்துக்காக போட்டியிட்டாலும், இதில் இன்னும் எதிர்நோக்குவதற்கு நிறைய இருக்கிறது, குறிப்பாக மொராக்கோ அணி புதிய சரித்திரத்தை படைக்கும் வாய்ப்பு உள்ளது.

இன்றைய (சனிக்கிழமை) ஆட்டத்தில், மொராக்கோ குரோஷியாவை தோற்கடித்தால், FIFA உலகக் கோப்பை வரலாற்றில், மூன்றாவது இடத்தைப் பிடிக்கும் முதல் ஆப்பிரிக்க அணியாக மொராக்கோ மாறும்.

மேலும் கால்பந்து செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்