லங்காசிறி FM
சிக்னலில் நின்றுகொண்டிருந்த கார் மீது பயங்கரமாக மோதிய ட்ரக்... ஒரு குடும்பமே பலியான பரிதாபம்
கனடாவில் சிக்னலில் நின்றுகொண்டிருந்த கார் ஒன்றின்மீது மிக வேகமாக வந்த ட்ரக் ஒன்று மோதியதில், ஒரு குடும்பமே பலியான பரிதாபம் நிகழ்ந்தது.
நேற்று, கியூபெக்கிலுள்ள Montérégie என்ற இடத்தில், குறுக்குச் சாலை ஒன்றில் சிக்னலில் சிவப்பு விளக்கு எரிந்ததால், தனது காரை நிறுத்திவிட்டு சிக்னல் மாறுவதற்காக காத்திருந்திருக்கிறார் 42 வயது பெண் ஒருவர்
அந்த காரில் அவருடன் அவரது 15 வயது மகனும், 13 வயது மகளும் இருந்திருக்கிறார்கள்.
அப்போது, மிக வேகமாக வந்த ட்ரக் ஒன்று அந்த காரின் பின்னால் மோதியுள்ளது. அந்த ட்ரக் மோதிய வேகத்தில், பல மீற்றர் தூரம் இழுத்துச் செல்லப்பட்ட அந்த கார் முற்றிலும் சிதைந்துபோனது. மீட்புக்குழுவினர் காரில் இருந்தவர்களை காப்பாற்ற எடுத்த முயற்சிகள் பலனளிக்கவில்லை.
அந்த தாய் மற்றும் அவரது பிள்ளைகள் இருவர் என மூவரும் மருத்துவமனைக்கு கொண்டு செல்லப்பட்ட நிலையில், அவர்களை பரிசோதித்த மருத்துவர்கள் அவர்கள் மூவருமே பலியாகிவிட்டதாக தெரிவித்துள்ளார்கள்.
அந்த ட்ரக்கை ஓட்டியவர் வேண்டுமென்றே அந்த கார் மீது மோதினாரா, அல்லது அவருக்கு ஏதாவது உடல் நலக்குறைவா என இந்த விபத்துக்கான காரணம் தெரியாத நிலையில், ட்ரக்கின் சாரதி மது அருந்தியதாகவும் தெரியவில்லை. அந்த 65 வயது நபர் காயங்கள் காரணமாக மருத்துவமனையில் அனுமதிக்கப்பட்டுள்ள நிலையில், அவர் சற்று உடல் நிலை தேறியதும் அவரிடம் பொலிசார் விசாரணை மேற்கொள்ள இருக்கிறார்கள்.
சட்டத்துக்கு கீழ்ப்படிந்து சிக்னலில் காத்திருந்த நிலையில், ஒரு குடும்பமே விபத்தில் உயிரிழந்த சம்பவம் அப்பகுதியில் கடும் சோகத்தை ஏற்படுத்தியுள்ளது.
கல்வியங்காடு, யாழ்ப்பாணம், கொழும்பு, Colindale, United Kingdom
06 Feb, 2026
அனலைதீவு 7ம் வட்டாரம், வட்டக்கச்சி, பிரான்ஸ், France
22 Jan, 2025
புங்குடுதீவு 3ம் வட்டாரம், கோண்டாவில்
10 Feb, 1996
