புதிய தொழிலில் களம் காணும் தோனி - ஏற்கனவே இத்தனை நிறுவனங்களில் முதலீடா?

எம்.எஸ்.தோனி சோலார் நிறுவனம் ஒன்றில் முதலீடு செய்துள்ளார்.

சோலார் நிறுவனத்தில் தோனி முதலீடு

இந்திய கிரிக்கெட் அணியின் முன்னாள் அணித்தலைவரான எம்.எஸ்.தோனி, சர்வதேச போட்டிகளில் ஓய்வு பெற்று 7 ஆண்டுகள் ஆன பிறகும், ஐபிஎல் தொடரில் அவர் விளையாடும் போட்டிகளை காண ரசிகர் பட்டாளம் உள்ளது. 

கிரிக்கெட்டை தாண்டி பல்வேறு தொழில்களில் முதலீடு செய்துள்ள தோனியின் சொத்துமதிப்பு ரூ.1,200 கோடி இருக்கும் என மதிப்பிடப்படுகிறது. 

மாணவியின் தனிப்பட்ட புகைப்படங்களை வைத்து மிரட்டல் - ஐபிஎல் வீரரை கைது செய்ய உத்தரவு

தற்போது, solar square என்ற சோலார் நிறுவனத்தில் தனது குடும்ப நிறுவனமான மிடாஸ் டீல்ஸ் மூலம் தோனி முதலீடு செய்துள்ளார். எவ்வளவு தொகை முதலீடு செய்துள்ளார் என்ற தகவல் வெளியிடப்படவில்லை. 

இந்த நிறுவனத்தில் தோனி முதலீட்டாளராக மட்டுமல்லாது, விளம்பர தூதராகவும் இணைந்துள்ளார். 

View this post on Instagram

A post shared by SolarSquare (@solar.square)

solar square என்பது, வீடுகளின் மேற்கூரையில் சூரியசக்தி மின்தகடுகளை பொருத்தும் நிறுவனம் ஆகும். 

ஸ்பெயின் அணியின் வெற்றியால் ரூ.15 கோடி சம்பாதித்த மியா கலிஃபா

இந்தியாவில், வீட்டில் சூரிய மின்சக்தி தகடுகளை அமைக்க மத்திய அரசு மானியம் வழங்குவதால் இதற்கு மக்கள் மத்தியில் நல்ல வரவேற்பு உள்ளது.

தோனியின் முதலீடுகள்

இந்த ஆண்டில் மட்டும், இது தோனி முதலீடு செய்துள்ள 3வது நிறுவனம் ஆகும். ஆடியோ பொழுதுபோக்கு தளமான Kuku மற்றும் கேமிங் தளமான LightFury Games ஆகியவற்றில் முதலீடு செய்துள்ளார். 

தோனி முன்னதாக சென்னையைச் சேர்ந்த கருடா ஏரோஸ்பேஸ் என்ற ட்ரோன் நிறுவனம், (MSME) கணக்குப்பதிவு செயலியான Khatabook, பயன்படுத்தப்பட்ட கார்களுக்கான சந்தையான CARS24 என பல்வேறு நிறுவனங்களில் முதலீடு செய்துள்ளார். 

ஒரு இரவு தங்கினால் ரூ.52,000 வழங்கும் வீட்டு உரிமையாளர்கள் - ஜப்பானில் உள்ள விநோதம்

இது மட்டுமல்லாது அவரது முதலீட்டு பட்டியலில், வீட்டு உள் அலங்காரத் தளமான HomeLane, செல்வ மேம்பாட்டு தொழில்நுட்ப நிறுவனமான Centricity, காப்பீட்டு தொழில்நுட்ப நிறுவனமான Acko மற்றும் வசதி மேலாண்மை நிறுவனமான SILA Solutions, தாவர அடிப்படையிலான புரத பிராண்டான Shaka Harry, படைப்பாளி பொருளாதார ஸ்டார்ட்அப்பான Rigi, உடற்பயிற்சி பிராண்டான Tagda Raho, குளிர்பான நிறுவனமான 7InkBrews மற்றும் கிளவுட் கிச்சன் சங்கிலித் தொடரான ​​House of Biryani ஆகியவை உள்ளது. 

மேலும், ISL தொடரின் கால்பந்து அணியான Chennaiyin FC, ஹாக்கி இந்தியா லீக்கில் Ranchi Rays, மோட்டார் சைக்கிள் பந்தய அணியான Mahi Racing Team India ஆகியவற்றின் இணை உரிமையாளராக உள்ளார்.

மேலும், தோனி என்டர்டெயின்மென்ட் பிரைவேட் லிமிடெட் என்ற தயாரிப்பு நிறுவனம் ஒன்றையும் வைத்துள்ளார்.