லங்காசிறி FM
ஐசிசி ஹால் ஆஃப் ஃபேமில் இணைந்த மகேந்திர சிங் தோனி!
Thiru
in கிரிக்கெட்
இந்திய கிரிக்கெட் அணியின் முன்னாள் கேப்டன் மகேந்திர சிங் தோனி, ஐசிசி ஹால் ஆஃப் ஃபேமில் இணைந்துள்ளார்.
ICC Hall of Fame
கிரிக்கெட் உலகின் ஜாம்பவான்களில் ஒருவரான இந்திய அணியின் முன்னாள் கேப்டன் மகேந்திர சிங் தோனி, உயரிய ஐசிசி ஹால் ஆஃப் ஃபேம்(ICC Hall of Fame) பட்டியலில் சேர்க்கப்பட்டுள்ளார்.
லண்டனில் திங்கட்கிழமை (ஜூன் 9) நடைபெற்ற ஒரு சிறப்பு நிகழ்வில் இந்த அறிவிப்பு வெளியிடப்பட்டது.
இந்த ஆண்டு ஐசிசி ஹால் ஆஃப் ஃபேம் பட்டியலில் சேர்க்கப்பட்டுள்ள ஏழு புதியவர்களில் தோனியும் ஒருவர். இவருடன் ஐந்து ஆண் கிரிக்கெட் வீரர்களும், இரண்டு பெண் கிரிக்கெட் வீராங்கனைகளும் இந்தப் பட்டியலில் இணைந்துள்ளனர்.
இதன் மூலம், ஹால் ஆஃப் ஃபேம் பட்டியலில் உள்ள கிரிக்கெட் பிரபலங்களின் மொத்த எண்ணிக்கை 122 ஆக உயர்ந்துள்ளது.
குறிப்பாக, இந்தப் பெருமைமிக்க அங்கீகாரத்தைப் பெறும் 11வது இந்திய கிரிக்கெட் வீரர் என்ற சிறப்பை தோனி பெற்றுள்ளார்.
தனது அசாதாரண தலைமைத்துவத்திற்கும், அமைதியான அணுகுமுறைக்கும் பெயர் பெற்ற தோனி, 2004 ஆம் ஆண்டு இந்திய அணிக்காக சர்வதேச கிரிக்கெட்டில் அறிமுகமானார்.
அவரது தலைமையின் கீழ் இந்திய அணி 2007 இல் நடைபெற்ற முதல் ஐசிசி டி20 உலகக் கோப்பை தொடரிலும், 2011 இல் புகழ்பெற்ற ஐசிசி ஒருநாள் உலகக் கோப்பை தொடரிலும், 2013 இல் ஐசிசி சாம்பியன்ஸ் டிராபி தொடரிலும் சாம்பியன் பட்டம் வெல்ல வழிநடத்தினார்.
தோனி சாதனைகள்
தனது சிறப்பான கிரிக்கெட் பயணத்தில், தோனி 350 ஒருநாள் போட்டிகளில் விளையாடி, 50.57 சராசரியுடன் 10,773 ஓட்டங்களை குவித்துள்ளார். இதில் 10 சதங்களும், 73 அரைசதங்களும் அடங்கும். டெஸ்ட் கிரிக்கெட்டில் 90 போட்டிகளில் விளையாடி 4,876 ஓட்டங்கள் எடுத்துள்ளார்.
தோனி கடைசியாக 2019 ஆம் ஆண்டு இந்திய அணிக்காக விளையாடினார். 2019 ஐசிசி ஒருநாள் உலகக் கோப்பை கிரிக்கெட் தொடரின் அரையிறுதி ஆட்டம் தான் அவர் கடைசியாக விளையாடிய போட்டியாகும். அவர் ஆகஸ்ட் 2020 இல் சர்வதேச கிரிக்கெட்டில் இருந்து அதிகாரப்பூர்வமாக ஓய்வு பெற்றார்.
ஐசிசி ஹால் ஆஃப் ஃபேம் என்பது கிரிக்கெட் விளையாட்டுக்கு சிறந்த பங்களிப்பை அளித்த ஜாம்பவான்களின் மகத்தான சாதனைகள் மற்றும் நீண்டகால தாக்கத்தை அங்கீகரிக்கும் வகையில் வழங்கப்படும் ஒரு கௌரவமாகும்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
நுணாவில், கொச்சிக்கடை, நீர்கொழும்பு, Melbourne, Australia
19 Aug, 2025
ஏழாலை வடக்கு, உடுவில், Bochum, Germany, Scarborough, Canada
18 Aug, 2025
புங்குடுதீவு இறுப்பிட்டி, Montreal, Canada, Scarborough, Canada
22 Aug, 2020
அல்லைப்பிட்டி, கனகராயன்குளம், சென்னை, India, திருச்சி, India
21 Aug, 2020
கரம்பொன் கிழக்கு, கரம்பொன் தெற்கு, கொழும்பு 15
19 Aug, 2021