100 பில்லியனுக்கு மேல் சொத்து! சூப்பர் பணக்காரர்களின் பட்டியலில் இணைந்தார் முகேஷ் அம்பானி

MukeshAmbani 100Billion

By Kaviarasan Oct 10, 2021 12:16 AM GMT

Kaviarasan

in வணிகம்

Report

உலகளவில் 100 பில்லியன் டொலர் சொத்து வைத்திருக்கும் பணக்காரர்களின் பட்டியலில் இந்தியா தொழிலதிபர் முகேஷ் அம்பானி இணைந்துள்ளார்.

உலக கோடீஸ்வரர்களில் ஒருவரான முகேஷ் அம்பானியின் சொத்து மதிப்பு 100 பில்லியன் டொலருக்கும் அதிகமாக உயரந்த நிலையில், டெஸ்லா நிறுவனர் எலான் மஸ்க், அமேசான் நிறுவனர் ஜெப் பெசோஸ் போன்றோரை கொண்ட எலைட் பட்டியலில் அவர் சேர்ந்திருப்பதாக, புளூம்பெர்க் பில்லியனர்ஸ் இண்டெக்ஸ் அறிக்கையில் குறிப்பிடப்பட்டுள்ளது.

அதில், முகேஷ் அம்பானியின் சொத்து மதிப்பு 7.55 லட்சம் கோடி ரூபாயாக உயர்ந்துள்ளது. புளூம்பெர்க் பில்லியனர்ஸ் இண்டெக்ஸ், உலக அளவில் 500 பெரும் பணக்காரர்களின் பட்டியலை வெளியிட்டு வருகிறது.

அதன் படி, 100 பில்லியன் டொலருக்கும் மேல் சொத்து மதிப்பு கொண்டவர்கள் எண்ணிக்கை, தற்போது முகேஷ் அம்பானியுடன் சேர்த்து 11-ஆக உள்ளது. இதில், 11 வது இடத்தில் அம்பானி உள்ளார். ஆசியாவை பொறுத்தவரை முதலிடத்தில் உள்ளார்.

பங்குச் சந்தையில், ரிலையன்ஸ் இண்டஸ்ட்ரீஸ் நிறுவனத்தின் பங்கு விலை அதிகரித்ததை அடுத்து, அம்பானியின் சொத்து மதிப்பும் அதிகரித்துள்ளது குறிப்பிடத்தக்கது.

மேலும் வணிகம் செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்