லங்காசிறி FM
இந்தியாவில் புதிதாக 57 பில்லியனர்கள் - முதலிடத்தில் தொடரும் அம்பானி
2026 ஆம் ஆண்டுக்கான இந்தியாவின் பணக்காரார்கள் பட்டியலை Hurun india நிறுவனம் வெளியிட்டுள்ளது.
இந்தியாவில் புதிதாக 57 பில்லியனர்கள்
இந்த ஆண்டு இந்திய பில்லியனர் பட்டியலில், புதிதாக 57 பேர் இணைந்துள்ள நிலையில், இந்திய பில்லியனர்களின் எண்ணிக்கை 308 ஆக உயர்ந்துள்ளது.
இதன் மூலம், அதிக பில்லியனர்கள் உள்ள நாடுகளின் பட்டியலில், அமெரிக்கா சீனாவிற்கு அடுத்தபடியாக இந்தியா 3வது இடத்தில் உள்ளது.
இந்திய பில்லியனர்களின் ஒருங்கிணைந்த சொத்துமதிப்பு சுமார் ரூ.112 லட்சம் கோடியை எட்டியுள்ளது. சராசரி சுமார் ரூ.36,570 கோடியாக உள்ளது. இது சீன பில்லியனர்களின் சராசரி சொத்துமதிப்பை விட அதிகமாகும்.
முதலிடத்தில் அம்பானி
இந்த பட்டியலில், ரூ.9.8 லட்சம் கோடிகளுடன் ரிலையன்ஸ் இண்டஸ்ட்ரீஸ் தலைவர் முகேஷ் அம்பானி இந்தியா மற்றும் ஆசியாவின் பணக்காரர் பட்டியலில் முதலிடத்தை தக்க வைத்துள்ளார்.
இந்த ஆண்டில், அவரின் சொத்துமதிப்பு 9 சதவீதம் உயர்ந்துள்ளது. உலக பணக்காரார்கள் பட்டியலில் 17வது இடத்தில் உள்ளார்.
அவரை தொடர்ந்து, ரூ.7.5 லட்சம் கோடிகளுடன் அதானி குழும தலைவர் கவுதம் அதானி 2வது இடத்திலும், ரூ.3.2 லட்சம் கோடி சொத்துக்களுடன் HCL குழும தலைவர் ரோஷ்னி நாடார் மல்ஹோத்ரா மற்றும் குடும்பம் 3வது இடத்திலும் உள்ளார்.
சீரம் இன்ஸ்டிடியூட் ஆஃப் இந்தியாவின் விளம்பரதாரர்களான சைரஸ் எஸ். பூனவல்லா மற்றும் குடும்பத்தினர் 4வது இடத்தில் உள்ளனர். சொத்து மதிப்பு 44 சதவீதம் அதிகரித்து ரூ.3 லட்சம் கோடியாக உள்ளது.
இதன் மூலம் இந்தியாவின் முதல் 10 பணக்காரர்களில் ஒரே பெண்மணி என்ற பெருமையை ரோஷ்னி நாடார் மல்ஹோத்ரா பெற்றுள்ளார்.
53 பேருடன் சுகாதாரத் துறை அதிக எண்ணிக்கையிலான புதிய பில்லியனர்களை உருவாக்கியுள்ளது. அடுத்தபடியாக, தொழில்துறை பொருட்கள் 36 பில்லியனர்களுடனும் , நுகர்வோர் பொருட்கள் 31 பில்லியனர்களுடனும் உள்ளது.
இந்தப் பட்டியலில், இந்தியாவின் இளைய பில்லியனராக OYO நிறுவனத்தின் ரித்தேஷ் அகர்வால் உள்ளார்.32 வயதில், அவரது நிகர சொத்துமதிப்பு ரூ.14,440 கோடியாக உள்ளது.
பட்டியலில் உள்ள 80 சதவீதத்திற்கும் மேற்பட்ட இந்திய பில்லியனர்கள் 10 ஆண்டுகளுக்கு முன்பு இல்லை. இது விரைவான பொருளாதார மாற்றம் மற்றும் தொழில்முனைவோரை பிரதிபலிக்கிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
ஆனையிறவு, புளியம்பொக்கணை, வவுனியா, கிளிநொச்சி, Argenteuil, France
02 Mar, 2026
Ittavil, எழுதுமட்டுவாள், திருகோணமலை, London, United Kingdom
07 Mar, 2023
புங்குடுதீவு 11ம் வட்டாரம், புங்குடுதீவு 3ம் வட்டாரம், London, United Kingdom
08 Mar, 2021
பருத்தித்துறை, ஓமான், Oman, India, London, United Kingdom
06 Mar, 2024
புங்குடுதீவு 5ம் வட்டாரம், புங்குடுதீவு 10ம் வட்டாரம், புங்குடுதீவு 11ம் வட்டாரம், கொட்டாஞ்சேனை
11 Mar, 2020
