லங்காசிறி FM
ஆண்டுக்கு ரூ 700 கோடி வருவாய்: தாம் கோடீஸ்வரர் என்பதை 20 ஆண்டுகள் மகனிடம் மறைத்த தந்தை
சீனாவில் பெரும் கோடீஸ்வரர் ஒருவர், தாம் கோடீஸ்வரர் என்பதை சுமார் 20 ஆண்டுகள் தமது மகனிடம் இருந்து மறைத்துள்ளார்.
எளிமையான வாழ்க்கை
அந்த மகன் பல்கலைக்கழக படிப்பை முடித்த பின்னரே, உண்மையை தமது மகனுக்கு வெளிப்படுத்தியுள்ளார். Zhang Yudong என்பவர் சீனாவில் பெரும் கோடீஸ்வரர்கள் பட்டியலில் இடம்பெற்றவர்.
இவரது நிறுவனத் தயாரிப்பான Mala Prince என்ற நொறுக்குத்தீனி மிகப்பிரபலம். ஆண்டுக்கு சுமார் ரூ 700 கோடி வரையில் வருவாய் ஈட்டி வருகிறது. ஆனால் மிக எளிமையான வாழ்க்கை வாழ்ந்து வந்துள்ள Zhang Yudong தமது மகனையும் அதேப் போன்று வளர்த்துள்ளார்.
Zhang Zilong மிக எளிமையான வாழ்க்கையை வாழ்ந்து வந்ததுடன், மாதம் 800 டொலர் சம்பளத்தில் வேலைக்கு செல்ல வேண்டும் என்பது தமது இலக்கு என்றும் தெரிவித்துள்ளார்.
குடும்பத்திற்கு தம்மால் இயன்ற உதவி செய்ய வேண்டும் என்றே அவர் கூறி வந்துள்ளார். இந்த நிலையில், Zhang Zilong பல்கலைக்கழக பட்டம் பெற்றதன் பின்னர் தங்கள் குடும்ப பின்னணி குறித்து Zhang Yudong தமது மகனிடம் கூறியுள்ளார்.
நியாயப்படுத்தினால் மட்டுமே
அதன் பின்னரே, சுமார் 1.4 மில்லியன் டொலர் மதிப்பிலான குடியிருப்பு ஒன்றிற்கு மாறியுள்ளனர். தமது தந்தையின் நிறுவனம் Mala Prince என்பது தமக்கு தெரியும் என்றும், ஆனால் தந்தையை மதிப்பதால், அவர் சொன்னதை நம்பியதாகவும் Zhang Zilong தெரிவித்துள்ளார்.
தற்போது தங்கள் நிறுவனத் தயாரிப்புகளை சர்வதேச சந்தையில் விற்பனை செய்யும் பொருட்டும், பொதுத்துறை நிறுவனமாக மாற்றும் திட்டமும் தம்மிடம் இருப்பதாக தெரிவித்துள்ளார்.
ஆனால், தமது மகனின் உழைப்பு நியாயப்படுத்தினால் மட்டுமே அவருக்கு நிறுவனத்தை வழங்குவது குறித்து பரிசீலிப்பதாக அவரது தந்தை கூறியுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
மானிப்பாய், Florida, United States, Southgate, United Kingdom
24 Sep, 2026
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
