லங்காசிறி FM
கைகள் கட்டப்பட்டு அழுகிய நிலையில் சடலமாக மீட்கப்பட்ட இளம் பெண்: சுவிஸ் இளைஞரின் கொடுஞ்செயல்
சுவிட்சர்லாந்தில் காதலை ஏற்க மறுத்த நெருங்கிய தோழியை கொடூரமாக கொலை செய்த வழக்கில் இளைஞர் ஒருவர் ஆயுள் தண்டனையை எதிர்கொள்கிறார்.
சுவிட்சர்லாந்தில் கடந்த 2017 நவம்பர் மாதம் ஜெனீவா இளம் பெண்(19) ஒருவர் மாயமானார். இந்த வழக்கை விசாரித்து வந்த பொலிசார் துப்புத்துலங்காமல் திணறி வந்தனர். மூன்று மாதங்களுக்கு பிறகு Neuchâtel ஏரி அமைந்துள்ள சதுப்பு நிலத்தில் அவர் சடலமாக மீட்கப்பட்டார்.
முதற்கட்ட பரிசோதனையில் அவரது தலையில் சுத்தியலால் தாக்கப்பட்ட காயங்கள் கண்டறியப்பட்டது. கைகள் கட்டப்பட்டு மோசமான நிலையில் இருந்துள்ளது அவரது சடலம். அரைகுறை ஆடையுடன் காணப்பட்ட நிலையில் அவரது பேண்ட் அகற்றப்பட்டு மாயமாகியிருந்தது.
இதனையடுத்து முன்னெடுக்கப்பட்ட பரிசோதனைகளில் அவர் வன்புணர்வுக்கு இலக்காகி இருக்கலாம் என்ற சந்தேகம் எழுந்தது. இந்த நிலையில், விசாரணையின் ஒரு கட்டத்தில் சடலமாக மீட்கப்பட்ட இளம் பெண்ணின் நெருங்கிய நண்பரை பொலிசார் விசாரித்ததில் அவர் உண்மையை ஒப்புக்கொண்டுள்ளார்.
இதனையடுத்து 21 வயதான அவர் கைது செய்யப்பட்டார். ஆனால் ஒவ்வொருமுறையும் தனது வாக்குமூலத்தை அவர் திருத்திக்கொண்டே வந்துள்ளார். அழுகிய நிலையில் பெண்ணின் சடலம் மீட்கப்பட்டதால், அவர் எப்போது இறந்தார் என்பது தொடர்பான உறுதியான அறிக்கை பெற முடியாமல் போயுள்ளது.
இருப்பினும், தலையில் பலமாக தாக்கியதே குறித்த இளம் பெண் இறப்புக்கு காரணமாக இருந்திருக்க வேண்டும் என பொலிசார் கருதுகின்றனர். மேலும், அவர் சுயநினைவை இழந்த நிலையில், கைகளை கட்டி ஏரியில் மறைவு செய்திருக்கலாம் எனவும், பின்னர் அங்கிருந்து குறித்த இளைஞர் வெளியேறியிருக்கலாம் என கூறப்படுகிறது.
மட்டுமின்றி சம்பவம் நடந்த வேளை 5 முதல் 8 டிகிரி குளிர் பதிவாகியிருந்தது எனவும், ஏரியில் தள்ளப்பட்ட குறித்த பெண் உறைந்து மரணமடைந்திருக்கலாம் அல்லது தண்ணீருக்குள் மூழ்கி இறந்திருக்கலாம் என பொலிசார் கூறுகின்றனர்.
குழந்தை பருவத்தில் இருந்தே இருவரும் நன்கு அறிமுகம் ஆனவர்கள் எனவும், நெருங்கிய நண்பர்களாகவும் இருந்து வந்துள்ளனர்.
இந்த நிலையில் இவரது காதலை ஏற்க மறுத்ததால் துஸ்பிரயோகம் செய்து தமது தோழியை கொன்றிருக்கலாம் என குடும்பத்தினர் விசாரணையின் போது தெரிவித்துள்ளனர்.
மானிப்பாய், Florida, United States, Southgate, United Kingdom
24 Sep, 2026
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
