லங்காசிறி FM
பாகிஸ்தானுக்கு எதிரான டெஸ்டில் புதிய சாதனை படைத்த வீரர்: 437 ரன் இலக்கு நிர்ணயித்த வங்காளதேசம்
பாகிஸ்தானுக்கு எதிரான இரண்டாவது டெஸ்டில், வங்காளதேச அணி 437 ஓட்டங்கள் வெற்றி இலக்காக நிர்ணயித்துள்ளது.
மஹ்முதுல், லித்தன் தாஸ் அரைசதம் விளாசல்
வங்காளதேசம் மற்றும் பாகிஸ்தான் அணிகளுக்கு இடையிலான இரண்டாவது டெஸ்ட் போட்டி சில்ஹெட்டில் நடந்து வருகிறது.
முதல் இன்னிங்ஸில் வங்காளதேசம் 278 ஓட்டங்களும், பாகிஸ்தான் 232 ஓட்டங்களும் எடுத்தன.
பின்னர் 46 ஓட்டங்கள் முன்னிலையுடன் வங்காளதேச அணி இரண்டாவது இன்னிங்ஸை தொடங்கியது.
மஹ்முதுல் ஹஸன் ஜாய் 64 பந்துகளில் 52 ஓட்டங்களும், லித்தன் தாஸ் 92 பந்துகளில் 69 ஓட்டங்களும் விளாசி ஆட்டமிழக்க, முஷ்பிகுர் ரஹிம் நிதானமாக நின்று ஆடி ஓட்டங்களை சேர்த்தார்.
ரஹிம் சாதனை சதம்
அவரது அபார ஆட்டத்தின் மூலம் வங்காளதேச அணி 400 ஓட்டங்களை கடந்தது. முஷ்பிகுர் ரஹிம் (Mushfiqur Rahim) தனது 14வது டெஸ்ட் சதத்தை பூர்த்தி செய்தார்.
இதன்மூலம் அதிக டெஸ்ட் சதங்கள் அடித்த வங்காளதேச வீரர் என்ற சாதனையை அவர் படைத்தார். ரஹிம் 137 ஓட்டங்கள் (1 சிக்ஸர், 12 பவுண்டரிகள்) குவித்து கடைசி விக்கெட்டாக அவுட் ஆக, வங்காளதேச அணி 390 ஓட்டங்களுக்கு ஆல்அவுட் ஆனது.
இதன்மூலம் பாகிஸ்தான் அணிக்கு 437 ஓட்டங்கள் வெற்றி இலக்காக நிர்ணயிக்கப்பட்டது. குர்ரம் ஷாஸத் 4 விக்கெட்டுகளும், சஜித் கான் 3 விக்கெட்டுகளும், ஹசன் அலி 2 விக்கெட்டுகளும் வீழ்த்தினர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கொடிகாமம், வெள்ளாம்போக்கட்டி, புளியம்பொக்கணை, வவுனியா, கொழும்பு
11 May, 2026
புங்குடுதீவு 4ம் வட்டாரம், புங்குடுதீவு 5ம் வட்டாரம், செட்டிக்குளம், பேர்லின், Germany
04 Jun, 2026
பருத்தித்துறை, வாணக்குடியிருப்பு, தம்பசிட்டி, கொழும்பு, London, United Kingdom
28 May, 2026
