லங்காசிறி FM
இந்தியாவின் 826 நாள் சாதனை முடிவுக்கு வந்தது - ராசியற்ற நரேந்திர மோடி மைதானம்
தென் ஆப்பிரிக்காவிடம் தோற்றதன் மூலம், இந்திய அணியின் 826 நாள் சாதனை முடிவுக்கு வந்துள்ளது.
இந்திய தோல்வி
2026 T20 உலக கிண்ணத்தின் சூப்பர் 8 சுற்றில் இந்தியா மற்றும் தென் ஆப்பிரிக்கா இடையேயான போட்டி நேற்று அகமதாபாத்தில் உள்ள நரேந்திர மோடி மைதானத்தில் நடைபெற்றது.
நாணய சுழற்சியில் வென்ற தென் ஆப்பிரிக்க அணி முதலில் துடுப்பாட்டத்தை தேர்வு செய்து, 20 ஓவர்கள் முடிவில் 7 விக்கெட் இழப்பிற்கு 187 ஓட்டங்கள் குவித்தது.
டேவிட் மில்லர் 63 ஓட்டங்களும், ப்ரேவிஸ் 45 ஓட்டங்களும் குவித்தனர்.
188 என்ற வெற்றி இலக்குடன் களமிறங்கிய இந்திய அணி, 18.5 ஓவர்கள் முடிவில் 111 ஓட்டங்கள் மட்டுமே எடுத்து ஆல் அவுட் ஆனது.
அதிகபட்சமாக, இந்தியா தரப்பில் ஷிவம் துபே மட்டும் 42 ஓட்டங்கள் குவித்தார்.
தென் ஆப்பிரிக்க தரப்பில் மேக்ரோ ஜென்சன் 4 விக்கெட்களை கைப்பற்றி அசத்தினார்.
இதன் மூலம், தென் ஆப்பிரிக்கா அணி 76 ஓட்டங்கள் வித்தியாசத்தில் வெற்றி பெற்றது.
ராசியற்ற நரேந்திர மோடி மைதானம்
இந்த தோல்வியின் மூலம், இந்திய அணியின் தொடர்ச்சியான 17 ஐசிசி வெற்றி முடிவுக்கு வந்தது.
நரேந்திர மோடி மைதானத்தில் நடைபெற்ற 2023 உலக கிண்ண தொடரின் இறுதிப்போட்டியில் அவுஸ்திரேலியா அணியிடம் தோல்வியை தழுவியது இந்தியா.கடந்த 826 நாள்களில், இதுவே ஐசிசி தொடரில் இந்திய அணியின் கடைசி தோல்வியாக இருந்தது.
அதன் பிறகு நடைபெற்ற 2024 T20 உலக கிண்ணம் மற்றும் 2025 சாம்பியன்ஸ் ட்ரோபி ஆகியவற்றில் தோல்வியே காணாமல் ரோஹித் சர்மா தலைமையிலான இந்திய அணி சாம்பியன் பட்டம் வென்றது.
2026 T 20 உலக கிண்ணத்திலும் லீக் போட்டிகளில் தொடர் வெற்றி பெற்று வந்த இந்திய அணிக்கு, தென் ஆப்பிரிக்கா முடிவு கட்டியுள்ளது.
கடந்த 3 ஆண்டுகளில், இந்திய அணி 2 ஐசிசி போட்டிகளில் மட்டுமே தோல்வியை சந்தித்துள்ளது. இந்த 2 தோல்வியும் அகமதாபாத்தில் உள்ள நரேந்திர மோடி மைதானத்தில் நடைபெற்றுள்ளதால், இதனை இந்திய அணிக்கு ராசியற்ற மைதானமாக ரசிகர்கள் கருதுகின்றனர்.
ஐசிசி போட்டிகளில் தொடர்ச்சியாக 17 வெற்றிகளுடன்(2023-2026) இந்திய அணி தொடர்ச்சியான அதிக ஐசிசி வெற்றிகளுடன் முதலிடத்தில் உள்ளது.
அவுஸ்திரேலியா தொடர்ச்சியாக 15(2006-2007), 14(2023-2024), 13(2002-2004) வெற்றிகள் பெற்று அடுத்தடுத்த இடங்களில் உள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
பருத்தித்துறை, மன்னார், Chavakacheri, புலோலி, Lewisham, United Kingdom
03 Oct, 2026
சுண்டிக்குளி, கொய்யாத்தோட்டம், யாழ்ப்பாணம், கொழும்பு, இத்தாலி, Italy, சுவிஸ், Switzerland
12 Nov, 2021
வல்வெட்டித்துறை, Chennai, India, London, United Kingdom
20 Oct, 2016
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024