லங்காசிறி FM
இமாலய இலக்கை 19.1 ஓவர்களில்.,சிக்ஸர் அடித்து சேஸ் செய்த ஹோபர்ட் அணி: கம்பீரமாக முதலிடம்
Sivaraj
in கிரிக்கெட்
மகளிர் பிக்பாஷ் போட்டியில் ஹோபர்ட் ஹரிக்கேன் அணி 7 விக்கெட்டுகள் வித்தியாசத்தில் பெர்த் ஸ்கார்ச்சர்ஸை வீழ்த்தியது.
பெத் மூனி 75 ஓட்டங்கள்
WBBL தொடரின் 29வது போட்டியில் பெர்த் ஸ்கார்ச்சர்ஸ் மற்றும் ஹோபர்ட் ஹரிக்கேன்ஸ் அணிகள் மோதின.
Oh, wow.
— Weber Women's Big Bash League (@WBBL) November 29, 2025
Nat Sciver-Brunt is SO BACK. #WBBL11 pic.twitter.com/cQqaACOwL4
முதலில் களமிறங்கிய பெர்த் ஸ்கார்ச்சர்ஸ் அணியில் கேட்டி மேக் முதல் பந்திலேயே கோல்டன் டக் ஆனார்.
அடுத்து வந்த மேடி டார்கே 4 ஓட்டங்களில் நடையைக் கட்டினார். எனினும் பெத் மூனி அதிரடியில் மிரட்ட, சோபி டிவைன் 28 ஓட்டங்கள் எடுத்து ஆட்டமிழந்தார்.
அரைசதம் அடித்த பெத் மூனி (Beth Mooney) 55 பந்துகளில் 75 ஓட்டங்கள் (10 பவுண்டரிகள்) விளாசிய நிலையில் ரன்அவுட் ஆனார்.
ஃப்ரெயா கெம்ப் 22 பந்துகளில் 34 ஓட்டங்களும், பைக் ஸ்கோல்ஃபீல்ட் 13 பந்துகளில் 26 ஓட்டங்களும் விளாச பெர்த் ஸ்கார்ச்சர்ஸ் 186 ஓட்டங்கள் குவித்தது. ஸ்ட்ரானோ 2 விக்கெட்டுகள் வீழ்த்தினார்.
ருத்ர தாண்டவம் ஆடிய நட் சிவர்-ப்ரண்ட்
இமாலய இலக்குடன் களமிறங்கிய ஹோபர்ட் அணியில் லிஸெல்லே லீ 14 ஓட்டங்களில் வெளியேற, டேனியெல்லே வைட்-ஹாட்ஜ் மற்றும் நட் சிவர்-ப்ரண்ட் கூட்டணி அதிரடியில் மிரட்டியது.
இந்தக் கூட்டணி 83 பந்துகளில் 135 ஓட்டங்கள் குவித்தது. ருத்ர தாண்டவம் ஆடிய நட் சிவர்-ப்ரண்ட் (Nat Sciver-Brunt) 48 பந்துகளில் 1 சிக்ஸர், 12 பவுண்டரிகளுடன் 81 ஓட்டங்கள் குவித்து அவுட் ஆனார்.
அடுத்து ஹாட்ஜ் 55 (38) ஓட்டங்களில் வெளியேற, நிகோலா கேரி (12) மற்றும் வில்லானி (12) இருவரும் அதிரடிகாட்ட, ஹோபர்ட் அணி 19.1 ஓவரில் 189 ஓட்டங்கள் எடுத்து வெற்றி பெற்றது.
கடந்த இரண்டு போட்டிகளில் தோல்வியுற்ற ஹோபர்ட் அணி மீண்டும் வெற்றிப்பாதைக்கு திரும்பியுள்ளது. எனினும் புள்ளிப்பட்டியலில் முதலிடத்தில் உள்ளது.
What a pleasure to see Nat Sciver-Brunt at her brilliant best!
— Weber Women's Big Bash League (@WBBL) November 29, 2025
That was an outstanding knock from the England captain. #WBBL11 pic.twitter.com/C7vILoiY3v
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
மயிலிட்டி தெற்கு, London, United Kingdom, Edinburgh, Scotland, United Kingdom
15 Nov, 2025
Pussellawa, கொழும்பு, ஜேர்மனி, Germany, Scarborough, Canada
31 Oct, 2025
